Zakaliya 4:2 - Luganuzi Luswanu Kuli Wanhu Wose 2002

² Yakambuza yakutya, “Alu wukuwona cici?” Nane nghamupitula nghamutya, “Nghuwona ciwicilo ce ziala cinozwe na zahabu. Kanyhi mucanyha, mo yili bakuli yono yina mafuta, a mu ciwicila ce zitala, mozili tala mupunghati, zono zina vitajililo vye mafuta mu zitala zizo.

Zakaliya 4:2 ပူးပေါင်းရင်းမြစ်များ

1 Zinghomo 28:15

Hamonga ne zitala ne ciwicilo ce tala.

2 Zinghomo 13:11

Na nhondo zose, hakali mitondo ne cinyamihe, wakumulavizya Mulungu, wuvumba hamonga ne vilavywa vinyanywe vye zimitugo. Kanyhi wakulavya ne vilavywa vye mikate yono yelile, wakuyijeleka mu meza. Kanyhi nhondo zose cinyamihe, wakukoleleza zitala mucanyha yo wuwiko wayo wa zahabu. Nase cikwituma nhondo zose, zono Muwaha Mulungu yalajiliza, ninga anye mwakondya kumuleka.

2 Zinghomo 4:7

Kanyhi yakanoza viwicilo vya tala, vili 'kumi vya zahabu, mu nghango nha vyono yalajilizwa, yakaviwika mwi'kumbo lye Nyumba yo Mulungu, vihano lubavu lwa kutakama, ne vihano lubavu lwa kusumuka. Hanyuma kanyhi yakanoza mabeseni yigana limonga ga zahabu.

Muganuzi 12:6

Baho langa, u luputi lwe fweza ho lolodumucila, ne tala ye zahabu nayo, baho ho yilatulicilaa. Ne liguludumu nalyo lyo kukwejela malenga mwi'sima lyolobeneka, ne njilo ye malenga yilatulika.

Yelemiya 24:3

Ale, baho u Muwaha Mulungu yakambuza yakutya, “Gwe Yelemiya, alu wukuwona cinhuci?” Nane nghamupitula nghamutya, “Nghuwona nghuyu. Nghuyu ziswanu muno, ne zinghuyu zimbi muno muno, zono si zisumice hamba ku wuligwe kose.”

Yelemiya 52:19

Wakavisola vinhu vyose du, vye zahabu hamba fweza, hamonga sunga ne vibakuli vidodo-dodo vyose, hamonga ne visahani vyono wetumamilaga so kupalila makala go moto. Hamonga ne zibakuli zono wambilaga sakami ye zi mitugo ze makumbiko, ne viya vyo kuwusiza mavu, ne viwicilo vye zitala, ne visahani vyo kufusiza wuvumba, hamonga ne zibakuli zono wetumamilaga so vilavywa vye divayi.

Amosi 7:8

Hodu Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona cipimilo.” Nayo yakanyitya, “Ane nghwitumamila cipimilo cici, kulajila vyono wanhu wangu wenha lijinji lyono si ligoloce libinuce, yono lili kunze yo mucilili. Holeka nane sinokawaniza yaye wuhile wangu kanyhi, wo kusaka kuwongomeza wene.

Zakaliya 5:2

Malayika yakawa kumbuza, alu wukuwona cici? Nghamupitula nghatya, nghuwona citabu ciguluce mucanyha, cono cina wutali wa mita yicenda no wugazi wayo mita yine na nusu.

Wugubule 1:12

Ale, nane nghelenga ku nyuma, ho sume kumuwona yuyo mono yalongane nane, baho nghawona wuwiko we zitala mupunghati za zahabu,

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Wugubule 4:5

I mamuli, ne lizi, hamonga ne madidimo mawaha, vyalawaga baho he'goda lyo wutemi. Sunga ne zitala mupunghati zo moto, nazo zakaga baho he'goda lyo wutemi. Ne zitala zizo, yo myuhe mupunghati yo Mulungu.