Zakaliya 13:3 - Luganuzi Luswanu Kuli Wanhu Wose 2002

³ No munhu wo wose mono kolojendelela kulavya wuwizi ale, u sogwe no nyina, wolomulonjela vyono yanojeye yawulagwe. Hambi nha yakwinoza vyono yakulonga zinghani zo Muwaha Mulungu, kumbe ho yakulonga zo wulambi du. Holeka lono yakuwila, u sogwe no nyina womuwulaga.

Zakaliya 13:3 ပူးပေါင်းရင်းမြစ်များ

Yelemiya 23:25

Nane nha nizimanyile zose zo wulambi zono i wawizi wawo wakulonjela mwi'tagwa lyangu, akuno wakutya ati, yo nene mono niwalonjeleye zinghani zangu mu zindoto.

Yelemiya 23:34

Na hono munhu wo wose wa muli wanhu wangu, hamba muwizi, hamba mukohani, hono yetumamile nghani yo wutya, ‘U mutegulo wuli hayi wo Muwaha Mulungu.’ Nane nomulipiciza u munhu yuyo, hamonga na wa mu nyumba yakwe wose.

Yelemiya 28:15

Namulonjela Hananiya zizi, ninga kanyhi nghonjeleza nghamutya, “Alu Hananiya! Wuhulicize ta! U Muwaha Mulungu hamba si yakutumile yaye, langa agwe wukuwanoza i wanhu wawa wawihuwile u wulambi wako.

Ezekiyeli 13:23

Ninga luno mumanye, nha vyono wugubulilwe wenyu wo wulambi, hamonga no wuwizi wenyu wo wulambi, vyose vyaficila ndumo yayo. Nane nghuwaponya wanhu wangu mu wulawa mu vilungo vyenyu, ho musume kumanya nha vyono, ane yo nene Muwaha Mulungu.”

Ezekiyeli 14:9

“No muwizi hono yakocwe-kocwe, no kulonga nghani yono si ye mbeka, ale mumanye nha vyono nene no Muwaha Mulungu, yo nimukocize u muwizi yuyo. Nane nomongomeza no kumutemanulila lukulu mu wanhu wa Isilayeli.

Ezekiyeli 43:7

“Gwe go munhu, lanje, bahano ho he 'goda lyangu lyo wutemi. Nane nokwikala bahano hamonga ne wanhu wangu Isilayeli, kanyhi nowa mutemi wawo cibitilila. Na ku wulawa lulu, i wanhu wangu Waisilayeli, hamonga ne watemi wawo wose, si wolokwijelela kanyhi kulikoza cevu litagwa lyangu lyono lyelile, so wuhemba kanyhi milungu yinji, hamba kuyizika kanyhi i mivimba ye watemi wawo i hanhu baha.

Matayo 10:37

“Nayo mono yamwendile muno muno u sogwe, hambo nyina si nha vyono yanyendile nene, ale yuyo siyanghwiliye yaye. Nayo mono yamwendile muno muno u mwanagwe we cilume hamba we cicekulu si nha nene, ale yuyo hamba si yanghwiliye yaye.

Luka 14:26

Munhu wo wose mono yakuza kuli nene, si kowa mwijizwa wangu, langa sunga yawe yanyendile nene si nha vyono yawendile u sogwe, no nyina, ne walumbuze, heya, sunga no wumi wakwe mweneco.

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nhavivyo kanyhi.

Wukumbucize wo Wulajilize 18:20

Na hono yejele muwizi wo wose, mono kokwijelela yalitumamila litagwa lyangu, mu zinghani zono ane si nimutumile yazilonje, muwizi yuyo yimunojeye yafwe so nghani yiyo. Na yowa nhavivyo, sunga na kuli wawizi wanji wono wowa kulonjela mwi'tagwa lye milungu yinji.’

Wukumbucize wo Wulajilize 33:9

Wakalajila cogopo ciwaha hali'gwe, si nha kuli walezi, hamba kuli wandugu, hamba kuli wana. Kanyhi wakagakamisa ne malajilizo gako. Kanyhi wakawa wehuwilwa kuli ze Cilagane cako.