Zakaliya 12:2 - Luganuzi Luswanu Kuli Wanhu Wose 2002

² “Lanjenyi ta, noyinoza Yelusalemi yiwe cikombe ce divayi, ne zinghungugo zono ziyipilime, zong'wa no kupebesuka-pebesuka kotya i wanhu wono wagalile wujimbi. Na kolo walipilima likaya lya Yelusalemi, na matumbi gose ga Yuda nago gohomwa.

Zakaliya 12:2 ပူးပေါင်းရင်းမြစ်များ

Zabuli 75:8

Nayo Muwaha Mulungu yebate cikombe mu muwoko wakwe, cikombe cimemile divayi nghali ye likuwo lyakwe, yakuyijida, ne wanhu wabi wose wakuying'wa, heya, wakuying'wa sunga libanhi lye ndumilizo.

Isaya 51:17

Gwe Yelusalemi, ta wusinhuce ye! Wukulumhuce winuce! Alu wagala cikombe co wulipicizwe cono Muwaha Mulungu yakung'weseze mwi'kuwo lyakwe wung'we. Nagwe 'lu wakondya kung'wa wagala, nalu weza wakupebesuka so wugale.

Yelemiya 25:15

Hanyuma kanyhi, u Muwaha Mulungu yakanonjela yakatya, “Gwe Yelemiya, ahano hocili cikombe cono cimemile likuwo lyangu. Alu, wucisolaje, wubite naco kuli zinghungugo zose kono nokutuma, nagwe wuwang'wese cikombe cico.

Yelemiya 25:17

Ale, nane nghawa kucibocela cikombe cico mu mawoko go Muwaha Mulungu, nghawa kuwapela i makungugo gose, kono Muwaha Mulungu yanhuma, nawo wakacing'wa cikombe cico.

Yelemiya 49:12

“Sunga na wose wono wali si wanojeye waling'anizwe, nawo wocing'wela du cikombe cico co wuling'anizwe. Hamba wukwihwesa nha vyono kolekwa wulece kutuga wuling'anizwe lo? Ng'o yaye, langa kocing'wa du cikombe cico co wuling'anizwe.

Yelemiya 51:57

Nowanoza i watemi wayo wang'we, wagale, hamonga ne wanhu we mahala, ne walongola, ne wasilikale wose. Nawo wogona nhongo ze cibitilila, hamba si wolokwinucila lukulu. Vyo nghutya ane no Mutemi, ane mono nili Muwaha Mulungu, we mihanga.

Yelemiya 51:7

Babiloni, yali nha cikombe ca zahabu mu muwoko wangu, cono cawang'wesaga i wanhu wose wa mono'nze sunga wagala. Nago makungugo, gakaying'wa divayi yiyo, gakagala, sunga ne mahala gawo gakajilila.

Yelemiya 8:14

“Nawo i wanhu wo Mulungu wakwiwuza wakutya, ‘Alu mwene nye!’ Nhawulenyi lo cikaye cinyamaye twii. Alenyi cimanyhile mu makaya gono gena magomawakali cikafwile mumo. Hambi u Muwaha Mulungu, u Mulungu wetu, nha yakondya kuciling'aniziza wufwe. Hambi nha kacipela 'se sumu, ciying'we, vyono nase cituma wubi hali mwene.

Habakuki 2:16

Ninga zizo zomuwuyilenyi nyo weneco, ne wanhu si womupelenyi cogopo yaye, nanye momema cevu ciwaha. Nanye nyo weneco mologala wujimbi no kupebesuka-pebesuka. Nayo Muwaha Mulungu kolomung'wesenyi cikombe co wulipicizwe nyenye nyo weneco. Ne cogopo cenyu colopituka ciwe cevu.

Zakaliya 14:14

Nawo i wanhu wa Yuda, wolokwinjila mumo mu wulugu wakuyitaziza Yelusalemi. Kanyhi woloziteka ne zisawo ze zinghungugo zinji, zahabu, fweza, ne myenda hamonga ne vinhu vinji muno.

Zakaliya 14:2

U Muwaha Mulungu kolozileta zinghungugo zose hamonga, zihome na Yelusalemi. Likaya lyolosolwa, ne zikaya zolotekwa. Ne we cicekulu wolokwibatwa kwa vilungo ne walugu, wagone nawo. Ne nusu ye wanhu wolobita mu mateka ninga wanji wa muli wene, siwolosolwa yaye ho wawuce mwi'kaya.

Wugubule 14:10

ale, u munhu yuyo, koying'wa divayi ye likuwo lyo Mulungu, divayi yono yakondya kujidilwa mu cikombe ce likuwo lyakwe, kanyhi hamba si hanza hanzwe ne malenga yaye. U munhu yuyo kogazizwa mu moto ne cibiliti, hamwande ye wamalayika wono welile na hamwande yo Mwana we ngholo.”

Wugubule 16:19

Ne likaya lililye liwaha likatemanulwa hali hadatu, ne makaya ga we makungugo gakagwa. Likaya liwaha lya Babiloni, Mulungu hamba si yalisemwa yaye. Yakaling'wesa i cikombe ce divayi ye likuwo lyakwe.

Wugubule 18:6

Ale, mumutendelaje nha vyono yamutendelenyi nyenye, mumuwuyajizaje kejete nha vyono genha i metumo gakwe. Memyenyi i cikombe cakwe ko wung'we wukali kali kejete, si nho wung'we awulya wono u mwene yamupelenyi.