Zakaliya 11:1 - Luganuzi Luswanu Kuli Wanhu Wose 2002

¹ Wudigule milango yako 'gwe! Lebanoni, u moto ho wutakamize mibici yako ye mikambala!

Zakaliya 11:1 ပူးပေါင်းရင်းမြစ်များ

Yelemiya 22:23

Nagwe mono wikaye wupolile mu mihagata yono yaletwa ku wulawa ku Lebanoni, kolowa wuli munhu wa kuwonelwa lusungu muno, kolo wusungu wakwagana, u wusungu wono wihwanile wo mucekulu mono yali mu nghunga yo lusawo.

Ezekiyeli 31:3

Agwe, nghuwona wihwanile no mubici wo muhagata wa ku Lebanoni, wono wina manhambi gono gena mubeho muswanu, U mubici mutali muno wuficile ko ku mavunde.

Habakuki 2:17

Nha vyono mwayitemanga mbago ya ku Lebanoni, nanye 'lu vyo motemangwa nhavivyo. Kanyhi nha vyono mwaviwulaga vilimu, nanye vilimu vyomogofyenyi. Na zizi zokwijela ku soko yo wuwulaji wono mwetuma, na ku soko yo wongomeze we wanhu wa mono'nze hamonga ne makaya gayo.

Habakuki 2:8

Anye mwawaboka wanhu we makungugo menji sawo zawo, ninga aluno wawo nawo wono wasigaye, womubocenyi nanye zisawo zenyu, ku soko yo wuwulaji wono mwetuma, na ku soko ye mawonezi genyu kuli wanhu we yinze ne makaya gawo.

Hagayi 1:8

Alu mubite mu matunda, mukateme zimbawo, muyizenje Nyumba yo Mulungu, holeka nane nokwendezwa, kanyhi ho nowa kuhembwa nha vyono nojeye kuhembwa.

Zakaliya 10:10

Nolowagomola kono kaya, ku wulawilila ku Misili na Ashuli, no kuwawika wacehe mu yisi yawo, kanyhi nolowawika mu Gileyadi na mu Lebanoni. Ne yisi yose yolowa yimemile wanhu.

Zakaliya 11:2

Wuzoze no kulila 'gwe go musonobali, hambi u muhagata nha wagwiza, i mibici yono yikamile nha yakondya malika! Muzoze kanyhi mulile 'nye nyo mibici ye minghola ya Bashani, hambi libago liwaha na lye vilungo, nha lyatemangwa.

Zakaliya 12:6

Mu vilo vivyo, nozinoza zindelo zose za Yuda ziwe kotya moto wono wukwaka mu mbago, hamba moto wono wukwaka mu mugunda wo wuhemba wono wupiye. Nawo wozongomeza zinghungugo zose zono ziwapilime. Ne wanhu wa he 'kaya lya yelusalemi, wolokwikala wapolile du mwi'kaya.

Wukumbucize wo Wulajilize 32:22

Likuwo lyangu nane lyokwaka nha moto nalyo lyovitakamiza vinhu vyose mono'nze. Lyovificila na vyose vyono vili hasi ku yinze ye wafu, no kuyitakamiza ne misinji ye matunda.