Zakaliya 10:9 - Luganuzi Luswanu Kuli Wanhu Wose 2002

⁹ Hambi nha naweyagaziza wose mu makungugo ganji. Hamba wawe nha wali kutali muno, ninga wonghumbucila du. I wene hamonga ne wana wawo, wosigala no kuwuya wose hamonga.

Zakaliya 10:9 ပူးပေါင်းရင်းမြစ်များ

Nehemiya 1:9

Ninga hono mumbuyile, no kumhitucila nene, mwitume na zono namulajilizenyi, nane nomukongholezenyi wose, no kumuwicenyi hanhu hono nahahagula ho niwe kuhembelwa, hamba yiwe mwiyagaye mu yinze yose, ane nomugomolenyi.’

Esita 8:17

Na mwi'kaya lyo lyose, na mwi'tumbi lyo lyose, lyono lilajilizo lilyo lyasomwaga, Wayahudi wakawa na sikukuu hamonga no wucehe no kulya zindigwa kwa nyemo mbaha. Na so nghani yiyo, wanhu wenji wakenoza nawo Wayahudi, vyono lulo, wose wakawa wakuwogopa Wayahudi.

Isaya 44:21

Muwaha Mulungu yakutya, nhavi, “Anye nyo nghungugo ya Isilayeli, mukumbucile ta nghani ayi, nha vyono anye muli wetumami wangu. Ane yo nene mono namuwumbenyi muwe wetumami wangu. Holeka nane hamba si nomusemwenyi yaye.

Isaya 64:4

Kanyhi hasina hamba munhu monga mono yamuwona, hamba kuhulika zo Mulungu yunji wo wose mono yehwanile gwegwe, mono ketumaga metumo gono genha gaga, kuli wose wono wamwitumbiye.

Isaya 65:23

Ne milimo yawo yose yolowa na wumoteswe, ne wana wawo, si wolokongomezwa yaye. Nane nolowamotya hamonga ne wana wawo, mu vilo vyose vyono vikuza.

Isaya 65:9

Nowamotya i Waisilayeli we nghungugo ya Yuda, ne wana wawo, woloyihala yisi yangu ye matunda. I wanhu wangu wahagulwa, wono wakunyitumamila, wawo wo wolokwikala mumo.

Yelemiya 31:27

“Ne vilo vikuza, lono noloyimemya yisi yose ya Yuda na ya Isilayeli, wanhu wenji, hamonga ne mitugo minji.

Yelemiya 51:50

U Muwaha Mulungu yakuwalonjela wanhu wakwe wono wali ku Babiloni, yakutya nhavi, “Nanye, vyono mwakondya kupona mwi'fwa, alu mutuluce mubite! Mulece kanyhi kulindila! Hamba muwe muli kutali muno na ku zikwenyu, ninga 'nye munyitumbile nene du, ane no Muwaha Mulungu wenyu. Kanyhi muyikumbucilaje na Yelusalemi.

Ezekiyeli 6:9

wolokwiyagalila mu zinghungugo zinji, wakekale kuko nha wafungwa. Nawo lono wowa wali kuko, wolonghumbucila lono wali mugati ye makungugo, no kumanya nha vyono yo nene mono niwalipicize no kuwakoza cevu, ku soko yo wuwula wihuwilwa wawo. Hambi nha wakondya kundeka 'ne, no kwenda vihwani si nha nene. Holeka ku soko yiyo, wolowa wakondya kwiyavufya weneco ku soko yo wubi, hamonga ne makani ge cevu gono wetumaga.

Hoseya 2:23

Nolowasikamya wanhu wangu mu'si, no kuwanoza wamoteswe. Nane nolomuwonela lusungu mono si yakuwonelwa lusungu, na kuli wawo wono wacemwaga si wanhu wangu, nolotya, “Anye muli wanhu wangu,” nawo wolomhitula watye, “Agwe yo gwegwe Mulungu wetu.”

Amosi 9:9

“Langa nolavya wulajilize no kuwapemenha wanhu wa Isilayeli, nha vyono wapemenhaga wuhemba mu luheneko. Nowapemenha wene, ku wulawa mu makungugo, no kuwawusa wose wono wasina cambuzi.

Mika 5:7

Ne wanhu wa Isilayeli wono wasigaye, wolowa nhe buhe yono yikulawa kuli Muwaha Mulungu so makungugo menji, kotya mahalavu ga mvula, mu migunda ye vilimwa vyono vikuwiluka. No witumbilo wawo, wolowa kuli Mulungu hamba si kuli munhu yaye.

Metumo ge Watumwa 8:1

Izuwa lilyo wejela wugazwe wuwaha mwi'kanisa lyono lyali ku Yelusalemi. Wono wali wehuwila wose, wakeyagalila ku zisi za Yudiya na Samaliya, langa hono si watumwa du.

Metumo ge Watumwa 8:4

Ale, wawo wono weyagazwa, wakakola ako na ako wakuyiganula nghani.

Walumi 11:24

Nanye mo wanhu mono si muli Wayahudi ku cihuma, mwinha linhambi lyo muzeyituni wa mu mbago, ninga mwawuswa kuko, no kulumbicizwa mu muzeyituni wa mu mugunda, i hanhu hono si henyu ku cihuma. Ninga i Wayahudi ku cihuma, wo wenha u muzeyituni wa mu mugunda, na yowa nghani mhelu kuli wene, ku wulumbicizwe kanyhi mu mubici wuwo u wawo.