Zakaliya 10:2 - Luganuzi Luswanu Kuli Wanhu Wose 2002

² Hambi i wanhu wono wawuzaga kuli milungu yinji ye vihwani, no kwitoweleza cisangu, ne lipitulo lyono wakuwa kutuga nha lya wulambi, kanyhi lya wulele du. Wanji wakuwa kuzilolosa zi ndoto no kuzinoza kotya nha cinhu ca mbeka, kumbe wakumukonjenyi bwete du. No wutuzwe wono wakuwa kumulonjelenyi wa bwete du. Holeka hobaho, i wanhu wakupilima-pilima du, kotya nhe zingholo zono zajiliye. Wali mu magayo, hambi nha wasina mudimi.

Zakaliya 10:2 ပူးပေါင်းရင်းမြစ်များ

Mwamulizo 31:19

Na mwi'daha lilyo, Labani yali yabitile ku wucenyenha zingholo zakwe. Kono nyuma, Laheli nayo yakatuga cilejeho co kuhiza i vihwani vye milungu yo wulambi yo sogwe.

1 Watemi 22:17

Mikaya yakapitula yakatya, “Ane nghusuma kuwawona Waisilayeli wose weyagaye mu matunda wenha zingholo zono zisina mudimi. Nayo Muwaha Mulungu yakutya, ‘I wanhu awa wasina mulongola, holeka muwalece wawuye ku zikaya zawo wapolile.’ ”

Jobu 13:4

Anye lu mukusaka muwugubicize wulele wenyu, mu nzila ye zinghani zenyu zo wulambi. Mwehwana waganga wono si walagulaga yunji yanoje.

Jobu 21:34

Alu nanye yonye! Mukujela kunhuza na nghani za bwete du! Hambi mu mapitulo genyu, nha mumemile nghani za wulambi du zose!”

Isaya 41:29

Holeka milungu yiyi yose, yo nghani ya bwete du, siyosuma hamba kwituma cinji co cose kanyhi yisina hamba vilungo bwete.”

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Isaya 44:9

Nawo wanhu wono wakunoza vihwani viseswe, wose wapuwile, sunga ne vihwani vyawo vye milungu vyono wakuviguza ko wuguzi wukamu, navyo visina hamba cambuzi cidodo bwete. Nawo wanhu wawo wono wakuyihemba milungu ye vihwani viseswe, mbeka wabofu, kanyhi wasina wizuce hamba hadodo, kanyhi wokolwa cevu.

Isaya 46:5

Muwaha Mulungu yakutya nhavi, “Alo mwene monyihwananiza na nani? Hamba ho yuli yunji mono yanyihwanile nene?

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Yelemiya 14:13

Ninga nane, ane Yelemiya, nghamupitula u Muwaha Mulungu nghamutya, “Gwe go Muwaha Mulungu, agwe wumanyile manyi manyi, nha vyono i wawizi wakuwalonjela wanhu, vyono holowa hasina kanyhi wulugu, hamba nzala, hambi nha vyo wehuwiza gwegwe, nha vyono, holowa mulamu du mu yisi yetu.”

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Yelemiya 23:17

Wene wakuwalonjela i wanhu wono wasina cihuliko kuli'ne, nha vyono zose zowawela swanu du. Na kanyhi wakuwalonjela wose wono wasina cihuliko, nha vyono magayo go gose si gowagana yaye.”

Yelemiya 23:32

Alu muhulicize ta, zono nghutya ane no Muwaha Mulungu! Ane mbeka, nili mulugu we wawizi wawo, wono wendile kulonga ze zindoto zawo, zono zimemile wulambi wose du. Hambi nha wakwitumamila zizo zindoto zawo, no kuwajiliza wanhu ku soko yo wulambi wawo, hamonga no widunhumuzi wawo. Ninga ane hamba si niwatumile yaye, hamba kuwalajiliza kose. Kanyhi wasina hamba nghani yo yose, yono yosuma kuwataza wanhu. Vyo nghutya ane no Muwaha Mulungu.”

Yelemiya 27:10

Holeka mumanye nha vyono i wanhu wawo, wakumukonjenyi du bwete, ho wamwambuzenyi muze musolwe mu yisi yenyu, no kutegulwa kutali. Nane nize nimuwinjenyi mu yisi yenyu, mubite mukongomele.

Yelemiya 27:14

Holeka 'gwe mutemi, wulecele lukulu kuwahulicila, wawo wawizi wono wakukutya vyono, wulece kwiyilavya kuli Nebukadineza u mutemi wa Babiloni. Hambi nha wakukukonga du bwete.

Yelemiya 27:9

Holeka 'nye wayangu, mulecele lukulu kuwahuliciza wawo wawizi wenyu, hamba kuli munhu wo wose mono yakwiyitya nha vyono kosuma kuwila za ku mwande, mu nzila ye zindoto, hamba mu nzila yo wucemeleza myuhe ye wanhu wono wafwiye, hamba mu nzila yo wuhawi. Wawe kumulonjelenyi nha vyono mulece kwiyilavya kuli mutemi Nebukadineza u mutemi wa Babiloni.

Yelemiya 28:15

Namulonjela Hananiya zizi, ninga kanyhi nghonjeleza nghamutya, “Alu Hananiya! Wuhulicize ta! U Muwaha Mulungu hamba si yakutumile yaye, langa agwe wukuwanoza i wanhu wawa wawihuwile u wulambi wako.

Yelemiya 29:8

Ninga ane no Muwaha Mulungu, u Mulungu wa Isilayeli, nghumusugulenyi nha vyono, mwilanjililaje! Mulecele lukulu kukongwa ne wawizi wono mwikalane hamonga, hamba ne wanhu wanji wo wose, wono wakwiyitya nha vyono ati, wosuma kuwila za mu vilo vyono vikuza. Mulecele lukulu hamba kuzihulicila zindoto zawo.

Yelemiya 37:19

Hamba wali hayi lu i wawizi wenyu wono wamuwililenyi wakutya vyono, mutemi wa Babiloni si kolokuza yakuhome yaye hamba kuyihoma yisi yiyi?

Yelemiya 50:17

U Muwaha Mulungu yakutya nhavi, “I wanhu wa Isilayeli, wenha zingholo zono zawingwa ne simba, no kwiyagazwa ako na ako. Hambi ha lulongozi, nha wakahomwa no mutemi wa Ashuli, hanyuma yayo kanyhi, wakahomwa na Nebukadineza, u mutemi wa Babiloni, yakawabenanga mafupa gawo.

Yelemiya 51:23

no kuwawulaga i wadimi hamonga ne mitugo zawo, no kuwawulaga i walimi hamonga ne zifwalasi zawo, no kuwabenanjizanga i watemi, hamonga ne wetumami wawo wawaha.”

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

Yelemiya 8:11

Wakuziwona zinghomele ze wanhu wangu nha wikubule kubule du wudodo. Hanyuma wawa kutya, ‘Aa! Zose swanu du,’ na kumbe hasina swanu hamba monga.

I Cililo 2:14

Sunga ne wawizi wako nawo, weza wasina cinji cono wokulonjela, langa zo wulambi-lambi du. No wuganule wawo wukukongaga du, hamba si wukuwa kukulajila zo wubi wako. Na mu nzila yiyo, wakukunoza agwe, ho wiwone nha vyono wusina soko yo kunena.

Ezekiyeli 21:21

Hambi u mutemi wa Babiloni, nha yemile ha nzila panda, ho yayimanye nzila yono koyityatya, yakuzisinjisa zisonga zakwe mwi'pongolo, yakutowa cisangu, yakuviwuza vihwani vyakwe ho vimulonjele, yakulilanga litoga lye nimu yono yilavigwe so likumbiko.

Ezekiyeli 21:29

Wugubulilwe wono mukutya mukugubulilwa, wugubulilwe wuwo wa wulambi. Sunga no wuwizi wenyu wose wa wulambi du. Hambi anye nha muli wetuma zimbi du, ninga lizuwa lyenyu lyasejelela, lizuwa lyo wulipicizwe wenyu we ndumilizo. Hambi u mumaje nha wozidumulanga zisingo zenyu.

Ezekiyeli 34:5

Alu, zingholo vyono zali zeza zisina mudimi, zikeyagala caka, ne malimu ga mu mbago gakaziwulaga no kuzilya.

Ezekiyeli 34:8

Na mbeka, anye nyo wadimi, yowa viswanu hono muhulicize ane no Muwaha Mulungu mumi. Hambi zingholo zangu nha zebatwa ne malimu ga mu mbago, zakondya kuwulagwa no kuligwa nago, vyono zali zisina mudimi. Nawo i wadimi wangu, si wajela yaye hamba kuzilondola kose. Wene wakawa kwiyidima weneco du, hamba si zingholo yaye.

Hoseya 3:4

Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Mika 2:12

“Ninga ane nomukongholenyi kanyhi hamonga, anye nyo wanhu wa Isilayeli, mono musigaye. Nomukongholelenyi hamonga, kotya ngholo zono zikuwuya kwi'bululu. Kotya wudimo wono wumemile ngholo, ne yisi yenyu vyo yowa yimemile wanhu wenji muno.”

Habakuki 2:18

Hambi cihwani cina cambuzici? Nha cinhu du cono cinozigwe no munhu, kanyhi hamba si cosuma kukulonjela cinji co cose, langa wulambi du. Hamba hasina nghani yono cico cihwani, cimutendelaga munya kucisesa ho cisume kwitumbilwa, hambi cihwani, nha si mulungu, hamba si cosuma no kulonga yaye!

Zakaliya 11:17

Ninga woyi hee, kuli mudimi yuyu mulele, mono si mwihuwilwa, Hambi nha yazileka zingholo. Holeka wulugu womutijinha vilungo vyakwe. U muwoko wakwe wonyala, ne liso lyakwe lyo kulume lyobofula.”

Wuwale 27:17

kanyhi mono kosuma kuwa mulongola wawo mu wulugu. I litewa lyako ho lilece kuwa nha ngholo zono zisina mudimi.”

Matayo 9:36

Yaza kuwawona iwanhu mapuga na mapuga, yakawawonela lusungu muno, ku soko wali wakataye muno, akuno wehweleye kotya zingholo zono zisina mudimi.

Maluko 6:34

Nawo wali weza kutima hasi ye ngalawa, Yesu yakagawona i mapuga mawaha ge wanhu, yakawawonela lusungu, hambi nha wali wenha zingholo zono zisina mudimi. Nayo yakanza kuwejiza nghani nyinji.

Wukumbucize wo Wulajilize 13:2

‘Alenyi cihembe no kuyitumamila milungu yinji, yono nanye mukali hamba si nayimanya.’

Walamuzi 18:14

Lulo i wanhu wa walya wahano, wono watumwa, wakayitandile yisi ya Layishi, wakawalonjela i wayawo wakawatya, “Mwene mwali mumanyile, vyono baha mu zikaya zizi, ho yili kaya yinji yono yina cihwani ce libici, cono cihiliwe fweza? Kanyhi mo vili ne vihwani vinji hamonga ne Efodi? Alu mukwihwesa cinoze wule?”