Zakaliya 1:3 - Luganuzi Luswanu Kuli Wanhu Wose 2002

³ Ninga 'lu nghumutyenyi, mbuyilenyi, nane nomuwuyilenyi nye.”

Zakaliya 1:3 ပူးပေါင်းရင်းမြစ်များ

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

2 Zinghomo 15:4

Ninga wali weza kwinjila mu magazo, hobaho wakamuwuyila Muwaha Mulungu, u Mulungu we Waisilayeli. Wakamulondola, wakamuwona.

Nehemiya 9:28

Ninga wali weza kutuga mulamu, wakawuyajila ku wituma wubi kanyhi. Nagwe kanyhi wukawaleka walugu wawo, wakawatema. Hamba nhavivyo wali weza kunena, no kukulilila wuwataze, wukawahulika kuko ku wulanga no kuwataza kenji na kenji, so lusungu lwako.

Jobu 22:23

Na mbeka, yikunojeye winenenyheze, wumuwuyile Mulungu, wagalecele lukulu mabi gose, gono getumwa mu kaya yako.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

Yelemiya 12:15

Nane kolo nakondya kuwawusiza lukulu, ale, baho langa nane ho nolowawonelela nawo lusungu, niwagomole kanyhi mu zi'si zawo, wanhu na yisi yawo.

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 4:1

U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Ezekiyeli 18:19

Na lunji kokwiwuza go mweneco wuwe kutya, “Alu, nhawule u mwana yuyo nayo, yalece kuwusola u wubi wo sogwe? Ninga lipitulo lyayo lyoli, yuyo u mwana, nha yetuma ziswanu na ze ling'ani. Yebata wulajilize wangu, no kuwutyatya viswanu, holeka mwene yimunojeye yawumipe.

Ezekiyeli 18:31

Muwutajilaje lukulu u wubi wenyu wose wono mwetumaga, mwinozeze nhumbula mhya, no muhe mupya. Alu anye nyo Waisilayeli, nhawulenyi mukwiyambalila ne lifwa?

Ezekiyeli 18:32

Ninga ane, si nyendile yunji wo wose yafwe. Holeka mupituce muwulece u wubi wenyu, mwikale womi.” Vyo yakutya u Muwaha Mulungu.

Ezekiyeli 33:11

Ninga alu agwe, wuwalonjele vyono ane no Muwaha Mulungu, mono nili Mulungu mumi, mbeka si nghuwa kwendezwa kuwona u munhu mubi yakufwila mu wubi wakwe. Langa nyendile yapituce yawulece wubi wakwe yekale mumi. Holeka anye nyo wanhu wa Isilayeli, alu mupituce, mulece kwituma u wubi wenyu wono mwitumaga. Alo nhawulenyi mukusaka kufwa anye nyo wanhu wa Isilayeli?

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Hoseya 6:1

Wanhu wakutya, “Alenyi ciwuye kuli Muwaha Mulungu! Mwene yacitamisa yakondya, ninga yamanyile vyono kociponya! Yacipela zinghomele, ninga kociponya zinghomele zetu.

Yoweli 2:12

Alu Muwaha Mulungu yakutya, “Munene mu zinhumbula zenyu mumhitucile nene, ko wuleka kulya, no wulila muno.

Malaki 3:7

Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’