Zabuli 96:3 - Luganuzi Luswanu Kuli Wanhu Wose 2002

³ Mugalonjele makungugo zo lukumyo lwakwe, hamonga na ze metumo gakwe, mawaha kuli wanhu wose.

Zabuli 96:3 ပူးပေါင်းရင်းမြစ်များ

Zabuli 150:2

Mumulumbe ku soko ye metumo gakwe, ge vilungo gono yetumile, mumulumbe ku soko yo lukumyo lwakwe luwaha.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 57:9

Nane nokulumbila muli makungugo, go Muwaha Mulungu, kanyhi nokwimbila ze malumbo muli wanhu.

Zabuli 9:2

Nane nosecelela no kusangalala ku soko yako, nokwimba zo lukumyo lwako, 'gwe go Muwaha Mulungu Mono Wulawiliciye Muli Vyose.

Isaya 49:6

Muwaha Mulungu yakanonjela yakutya, “Nina mulimo muwaha wono nghuwiciye agwe go mwitumami wangu. Ninga si mulimo wo kuwagomola du mu lukumyo i wanhu wa Isilayeli, wono wasigaye, langa nokunoza kanyhi wuwe wuzelu kuli makungugo, i yinze yose ho yisume kuponywa.”

Mika 4:2

Ne wanhu wayo wolotya, “Alenyi cibite kwi'tunda lyo Muwaha Mulungu, ku Nyumba yo Mulungu wa Isilayeli mwene yo kocifunda ase zono yakuhila cizitume. Nase cojendela mu zinzila zono mwene yazihagula. Hambi i mejizo go Muwaha Mulungu, nha galawaga ku Yelusalemi, kanyhi yakulonga ne wanhu wakwe ku wulawa ku Sayuni.”

Zakaliya 9:10

Muwaha Mulungu yakutya, “Nogawusa ne matuka go wulugu, gono gakulawa ku Isilayeli, niziwuse ne zifwalasi zono zolawa ku Yelusalemi, hamonga no wupinde wono wukwitumamilwa mu wulugu, vyose vyokongomezwa. No mutemi wenyu, koleta mulamu kuli zinghungugo zose. Kanyhi kotema ku wulawilila kwi'lenga sunga ko kwi'lenga na ku wulawilila kwi 'kolongo lya Efulata, sunga ko kundumo ye yisi.”

Matayo 28:19

Holeka, alu, mubite, mukawanoze i wanhu we makungugo gose, wawe watyatyi wangu, muwabaputizizaje mwitagwa lyo Sogo yo Munhu na lyo Mwana, na lyo Muhe Mono Yelile.

Luka 24:47

Na kanyhi yinojeye mwi'tagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.