Zabuli 83:2 - Luganuzi Luswanu Kuli Wanhu Wose 2002

² Lanje ta walugu wako vyono wasagahaye, na vyono wakukubeza wono wakusulile.

Zabuli 83:2 ပူးပေါင်းရင်းမြစ်များ

2 Watemi 19:28

Ninga nane nha nakondya kuzihulika zako zose, sunga na ze likuwo lyako kuli'ne, hamonga na zo wikumyi wako. Ninga nane luno, nokuwicila ndobogo mu mhula yako, yipamize no mulomo wako, nghukwejenhe nghukoze mu nzila yi yilya du, nghugomole kono walawilila.”

Zabuli 109:1

Ane nghukukumya 'gwe go Mulungu, holeka wulece kunyamala!

Zabuli 74:23

Wulece kugasemwa mazozo ge likuwo, gono gakulawa kuli walugu wako, hamonga ne liyowo lye vilo vyose, lya wono wakwisumaniza nagwe.

Zabuli 74:4

Walugu wako wakuzoza mu Nyumba yako, ne lizozo lyo wusume! Waziwicile mumo ne zibendela zo wusume wawo!

Zabuli 81:15

Nawo wono wasulile, wali wafugamile ko woga wuwaha, no wulipicizwe wawo, wali wuwe wa cibitilila.

Zabuli 93:3

Gwe go Muwaha Mulungu, visolo vye lilenga vinuye mazi gayo, heya, vinuye mazi hamonga no mukukunzo wayo.

Isaya 17:12

I makungugo ge vilungo gali mu wugazi, gakukoloma nhe lizozo lye lilenga vyono lizozaga, gehwanile nho witoweze we mawingo mawaha ge lilenga.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 37:29

Ninga nane nakondya kuzihulika zizo ze likuwo lyako, hamonga no widunhumuzi wako. Ninga nane luno, nokutobola zimhula zako, nghuvwice ndobogo, hamonga no luzali mu mulomo wako. Hanyuma nghugomole mu nzila yi yilya kono walawilila.”

Yelemiya 1:19

Holeka wene wolewana nagwe, ninga si wokusumila lukulu. Hambi ane nha nowa nili hamonga nagwe ho nghudime. Vyo nghutya ane no Muwaha Mulungu.”

Matayo 27:24

Hodu nayo Pilato yaza kumanya vyono si kosuma cinji, na vyono mazozo gali geza kwanza, hodu u mwene yakasola malenga, yakezuguza miwoko yakwe hali wanhu wose akuno yakutya, “Ane ta, sina nghani yo yose kuli ze lifwa lyo munhu yuyu, yo nghani yenyu nyenye nyo weneco.”

Metumo ge Watumwa 16:22

Ne lipuga lye wanhu wakelunza nawo, no kuwatowanga. Nawo wawalya iwahakimu, wakayidemulanga i myenda ya Pawulo na Sila, wakalajiliza wawakune viboko.

Metumo ge Watumwa 17:5

Ninga Wayahudi waza wona vyono wanhu wenji wakumwihuwila Pawulo, wakawona wivu, wakakonghola cipuga ce wanhu we cakacaka kulawa mu sokoni, no kuleta mazozo mawaha mwi'kaya. Wakekongholela ha kaya ya Yasoni, wehwesaga wowagana wa Pawulo na Sila mumo, ho wawalete hamwande ye wanhu.

Metumo ge Watumwa 21:30

Likaya lyose likasagahala, iwanhu waketang'anila lumangho, wakamwibata Pawulo, wakamukwejenhela kunze ye Nyumba yo Mulungu, na ho baho imilango ye Nyumba yo Mulungu yikawa kudindwa.

Metumo ge Watumwa 22:22

Iwanhu wakamuhuliciza Pawulo sunga yakayidumya nghani yiyi, hanyuma wakawa kwanza kuzoza wakutya, “Munhu mono yenha yuyu, mumuwuse mononze, mumuwulagaje, hambi u munhu we liwala lili, nha si yanojeye kuwumipa.”

Metumo ge Watumwa 23:10

No wiwanganile waza jendelela kucila, u muwaha we wasilikale mulongola, yakogopa, yakutya mba Pawulo kodemulwanga nawo. Holeka yakawalajiliza wasilikale, wenjile mwipuga lye wanhu, wamuwuse Pawulo wamugomoleze mwigomawakali.

Walamuzi 8:28

Na ku wulawilila baho, nhondo Wamidiyani wakawa wasumilwa lukulu ne Waisilayeli. Hamba si wawogofya kanyhi Waisilayeli. Ne yisi yikekala yipolile no mulamu myaka makumi mane, sunga Gideyoni yakafwa.