Zabuli 82:3 - Luganuzi Luswanu Kuli Wanhu Wose 2002

³ Watetelenyi wono wasoceye, hamonga ne wana wono wasina walezi, muwanozeze ling'ani waciwa na wono wasina cinji.

Zabuli 82:3 ပူးပေါင်းရင်းမြစ်များ

Jobu 29:12

Hambi i waciwa lono wali wali mu wugaye, nha nawatazaga, Nawatazaga sunga ne wana wono wasina walezi wawo, hamba ku wubito.

Jobu 31:21

Na hono niwe nawakongaga i wana wono wasina walezi, akuno nghwihwesa nha vyono nosuma ku calo,

Zabuli 10:18

Kowataza i wana wono wasina walezi, na wono wakwiwonelwa, munhu we nghuli ho yalece kuwogofya kanyhi.

Wutuluce 23:3

Kanyhi wulece kumuhijila mbejele u muciwa mu calo cakwe.

Wutuluce 23:6

“Wulece kuyiwajiza ling'ani yono yimunojeye u munhu muciwa mu calo cakwe.

Zimbazi 31:9

Holeka, wulonje ku soko yawo zinghani zawo, kanyhi weze wuli muling'anizi we ling'ani. No kuwatendela ze ling'ani i waciwa na wono wanjiye.”

Isaya 1:17

mwiyijize ku wituma ziswanu. Mwitume zo wiling'ano, muwataze wono wakwiwonelwa, muwapele ze ling'ani i wana wono wasina walezi, muwataze i wacekulu wafwile mu zinghani zawo.”

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Yelemiya 21:12

Munojeye muwe kuling'aniza wuling'anizi we ling'ani nhondo zose. Kanyhi mweze kumutaziza munhu wo wose, mono yakukongwa-kongwa no kwiwonelwa no munhu yunji. Na hono mulece kwituma nhavivyo, u wubi wono mukwituma, wonghoza likuwo 'ne, nalyo lyokwaka nha moto, wono si wosumika no kuzimywa yaye.

Yelemiya 22:16

Yawaling'anizaga waciwa kwe ling'ani, holeka na zose zikamuwela swanu muno. Na yiyi yo yikulajila nhunizo yo kumumanya Muwaha Mulungu.

Yelemiya 22:3

“Ane no Muwaha Mulungu, nghumulajilizenyi nha vyono munojeye mweze kwituma ze ling'ani na zo mugoloka. Mweze kumutaziza u munhu wo wose mono yakukongwa-kongwa no kwiwonelwa no munhu yunji. Kanyhi mulecele lukulu kuwewonela, hamba kuwatendela vibi i wajenzi, hamba i wana wono wasina walezi, hamba i wacekulu wafwile. Hamba mulece kuwawulajila i hanhu hono helile, i wanhu wono wasina masutya.

Yelemiya 5:28

Nalu lanjeta, vyono wajinile, wakung'alala nhavivi ku soko wasina wiyimile mu wituma zimbi. Kanyhi hamba si wakusuma no kuwanozeza ling'ani i wana wono wasina walezi wawo, hamba kulajila ling'ani yaye, kuli wono wakwiwonelwa.

Zakaliya 7:9

“Ane nawapela i wanhu wangu malajilizo gaga, ku wulawa katali, nghawatya, ‘Ale, mulanjilile mwitume ze ling'ani, kanyhi mweze mwina wendo no lusungu, kuli munhu no muyagwe.

Wukumbucize wo Wulajilize 10:18

Mwene yendile kuwona i wana wono wasina walezi, hamonga ne wacekulu wafwile, wose wakutendelwa ling'ani. Kanyhi yawendile sunga ne wajenzi, wono wekalane hamonga ne wanhu wetu. Mwene kawapelaga zindigwa ne vivwalo.

Wukumbucize wo Wulajilize 24:17

Mulece kuhodanga ling'ani ye wajenzi, hamba ye wana wono wasina walezi, hamba mulece kusola myenda ye wacekulu wafwile, yiwe nha cipingo so wukope wono yakopile.

Yakobo 1:27

Hambi dini yono yelile, na yono yisina manamha manamha ha mwande yo Mulungu u Sogo yo munhu, nha yoyi: Kuwataza wana wono wasina walezi wawo, ne wacekulu wafwile mu wugaye wawo, no kwiyilanjilila go mweneco ho wulece kutipizwa ne yinze yiyi.