Zabuli 81:5 - Luganuzi Luswanu Kuli Wanhu Wose 2002

⁵ Mulungu yakamupela sunga na Yusufu, lilajilizo lilyo, lono yayihomela yisi ya Misili. Nghuhulika lizi lyono si nghulimanya yaye, likutya,

Zabuli 81:5 ပူးပေါင်းရင်းမြစ်များ

Zabuli 114:1

Lono Isilayeli yawucila ku Misili, i wana wa Yakobo, lono wawucila mu yisi yo wujenzi,

Yelemiya 5:15

Nye nyo wanhu wa Isilayeli, u Muwaha Mulungu koleta likungugo ku wulawa kutali, lize limuhomenyi. Ne likungugo lilyo lyowa lili vilungo muno, kanyhi lya katali. Likungugo lyono ne milonjele yalyo, anye si muyimanyile yaye.

Wukumbucize wo Wulajilize 28:49

Nayo Muwaha Mulungu, komuletelenyi likungugo ku wulawilila ku mhelo ye yinze, likungugo lyono hamba ne nonga yawo, anye si muyimanyile yaye. Ne wanhu wawo womuzizenyi nha numba.

Zabuli 77:15

Wawakomboza wanhu wako ko muwoko wako, heya, u lulelo lwa Yakobo na lwa Yusufu.

Isaya 28:11

Ninga mulanjilile! Hono mulece kuhulika 'ne zono nghulonga, u Mulungu kowetumamila i wajenzi, walongane nanye mu nonga njenzi ho wamufundenyi.

Wutuluce 12:27

Nanye mowapitula muwe kutya, ‘Alino lyo likumbiko lye Pasaka, so kumupela cogopo Muwaha Mulungu mono yaziwagula zikaya ze Waisilayeli ku Misili. Yakawa kuwawulaga Wamisili, ninga ase yakacileka.’ ” Nawo Waisilayeli wakafugama hasi, wakahemba.

Wutuluce 12:12

“Nane mu cilo cico nokola mu yisi yose ya Misili, niwawulaje wana walume wose, walongozi kulelwa. I wana we wanhu, hamonga ne zinyana ze mitugo. Kanyhi noyilipiciza milungu yose yo wulambi ya mu yisi ya Misili. Ane yo nene Muwaha Mulungu.

Wutuluce 11:4

Musa yakamulonjela mutemi Falawo yakatya, “Muwaha Mulungu yakutya nhavi, ‘Mu cilo mugati, ane nokola mu yisi yose ya Misili.

Amosi 6:6

Anye mono mukung'wela divayi mu zibakuli, hamonga no kwibaka mafuta ge mhunjile swanu muno muno, hamba simukulila so wongomezwe we Waisilayeli.

Ezekiyeli 20:20

Muyezaje Sabato yangu, ho ciwe co citanjilo ce cilagane cetu cono canoza, kanyhi ho ciwe co cikumbucizo kuli'nye, nha vyono ane, yo nene u Muwaha Mulungu, u Mulungu wenyu.

Zabuli 78:6

Ho wanhu we ndelo yono yikuza wagamanye, heya, i wanhu wono wolelwa hanyuma, wagamanye, nawo ho wawejize i wana wawo.

Wukumbucize wo Wulajilize 4:45

Na zizi ziketumwa lono wali wakondya kuwuka ku Misili,

Wutuluce 12:29

Yali yeza kufika mu cilo mugati, Muwaha Mulungu yakawa kuwawulaga i wana wose walelwa walongozi wa mu yisi ya Misili, ku wulawilila u mwana we cilume wa Falawo mono yali yo muhazi we ligoda lyo wutemi, sunga ko kuli mwana wa mono yali mufungwa mu jela, sunga kuli ne zinyana zinongozi kulelwa ze mitugo, zose zikawulagwa.