Zabuli 8:3 - Luganuzi Luswanu Kuli Wanhu Wose 2002

³ Na lono nghuwulanga mwanya, u mulimo we vidole vyako go mweneco, sunga no mwezi ne zinyelezi vyono waviwumba,

Zabuli 8:3 ပူးပေါင်းရင်းမြစ်များ

Mwamulizo 1:1

Ku mwamulizo Mulungu yawumba u wulanga ne yinze.

Jobu 22:12

Ma! Mulungu, si yali ku wulanga kucanyha, nayo yakulanjila mu zinyelezi hasi, hamba ziwe zili kucanyha muno?

Jobu 25:3

Wule, ho yuli munhu wo wose, mono kosuma kuwawala wamalayika wose, wono wamwitumamilaga? Hamba ho hali hanhu ho hose hono wuzelu wo Mulungu si wumulikaga?

Jobu 25:5

Wumanye nha vyono ha meso gakwe, sunga no mwezi wose wusina wung'alale, ne zinyelezi nazo si zelile hali mwene.

Jobu 36:24

“Hambi mwene, nha katugaga lukumyo du, muli zose zono ketumaga holeka nagwe wunojeye wumupele lukumyo.

Zabuli 104:19

Agwe go Mulungu, wawuwumba mwezi wucipimile mapango, ne lizuwa nalyo, limanyile lyeneco, lipango lyayo lyo wugwile.

Zabuli 111:2

Metumo go Muwaha Mulungu, nha ga wizine muno muno! Na wose wono wakugasangalalila, wakusaka wagamanye viswanu.

Zabuli 148:3

Mumulumbe nanye nyo mwezi ne lizuwa, Mumulumbe nanye nyo zinyelezi, zose zono zikung'alala.

Zabuli 19:1

Wulanga wukulajila lukumyo lwo Mulungu, no wulanga nawo wukwanza i milimo ye miwoko yakwe.

Zabuli 33:6

U Muwaha Mulungu, yawuwumba wulanga ko wulajilize wakwe, ne vinhu vyose vya ku wulanga, vyawumbilwa mu wahulile wakwe.

Zabuli 89:11

Wulanga wo wako, kanyhi yisi yo yako, Agwe wayiwumba yinze, hamonga na vyose vyono vili mumo.

Wutuluce 31:18

Nayo Muwaha Mulungu yali yeza kukondya kulongana na Musa mwi'tunda lya Sinayi, Muwaha Mulungu yakamupela Musa vibawo vyejete vye mabwe, vyono mweneco Muwaha Mulungu yavyandika malajilizo mucanyha yavyo kwe cidole cakwe mweneco.

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Luka 11:20

Ninga hono niwe nghulavizya macisi mu vilungo vyo Mulungu, ale mumanye vyono wutemi wo Mulungu, wakondya kumuzizenyi.”

Walumi 1:20

Ku wulawa lululya lono u Mulungu yayiwumbila yinze, ivilungo vyakwe vye cibitilila, no wulungu-lungu wakwe, hamba viwe si vikwijela kwa meso, ninga vimanyice calinze. Ne wanhu wosuma kuzimanya izinghani zizo, ku soko ye vinhu vivyo vyono u Mulungu yaviwumba. Holeka wasina cinji cono wokwikojela!

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.