Zabuli 76:6 - Luganuzi Luswanu Kuli Wanhu Wose 2002

⁶ Nagwe go Mulungu wa Yakobo, wali weza kuwakalipila du, hodu du, zifwalasi, hamonga na wono wali wali mucanyha ye zifwalasi, wose wakafwa yitenene.

Zabuli 76:6 ပူးပေါင်းရင်းမြစ်များ

2 Samwili 10:18

nawo wasilikale we Waisilayeli, wakawasumiza Washamu wakawawinga wakatiza. Na mu wulugu wuwo, Dawudi hamonga ne wanhu wakwe, wawawulaga wasilikale we Cishamu, i wajendya matuka go wulugu, waficile magana mupunghati, hamonga ne wapanda fwalasi waficile elufu makumi mane, na Shaboki u muwaha wawo we wasilikale we Washamu, nayo yakatuga makomele, yakafwila mu ciwanza co wulugu.

2 Watemi 19:35

Na mu cilo cico, malayika wo Muwaha Mulungu yakabita ku nghambi ye Waashuli, yakawawulaga wasilikale waficile elufu yigana limonga na makumi munana na wahano. Na mu welelecele we lizuwa lye kejete, hakali mitondo, wose wakawa wakondya kufwa.

2 Zinghomo 32:21

Nayo Muwaha Mulungu yakawuhulika wulombe wawo, yakawa kumutuma malayika wakwe, yakabita yakawa kuwawulaga wasilikale wose we Ciashuli, hamonga ne walongola wawaha wose we lipuga lye wasilikale. Hodu, u mutemi wa Ashuli, yakawa kuwuya ku Ashuli ne cevu ciwaha. Na mwi'zuwa linji, lono yali yali mugati mu wuhembelo we milungu yakwe, i wanagwe we cilume wakenjila, wakawa kumuwulaga ne mimaje yawo.

Zabuli 104:7

Nagwe wali weza kugakalipila malenga, hodu gakawa kutiza lumangho, gali geza kulihulika lizi lyako du, gakakulumhuka lumangho.

Zabuli 18:15

Gwe go Muwaha Mulungu, lono wawatacilila walugu wako, wali weza kuwogofya kwe likuwo lyako, ivisolo vye lilenga vyagubulwa, ne misinji ye yinze, nayo yikejela calinze.

Zabuli 80:16

Na wawo walugu wetu, wono wawudumulanga, no kuwuticimiza mu moto, wuwalangaje ko wukali, no kuwongomezeza lukulu.

Wutuluce 15:1

Nayo Musa hamonga ne Waisilayeli, baho wakamwimbila Muwaha Mulungu lwimbo aluno: “Nomwimbila Muwaha Mulungu, hambi nha yasuma ko lukumyo, zifwalasi hamonga ne wajendela mu zifwalasi wayo, kawongomezeza wose mwi'lenga.

Wutuluce 15:10

Ninga 'gwe, wukaputa ne mbeho yako nalyo lilenga likawagubiza wose. Nawo wakadodomela mu malenga kotya lisasi.

Wutuluce 15:21

Nayo Milyamu yakawatonga no lwimbo alu yakutya, “Ale mwimbilenyi Muwaha Mulungu, hambi nha kasuma ko lukumyo luwaha, fwalasi hamonga no mujendela mu fwalasi wayo, yakawagwiliza mwi'lenga.”

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Yelemiya 51:39

Hono wawe wenjilwa no wukali, nane nowanozeza ndigwa yawo, nowang'wesa, wagale, wasangalale. Hanyuma wawe kugona nhongo ze cibitilila, hamba si wolokwinuka kanyhi.

Yelemiya 51:57

Nowanoza i watemi wayo wang'we, wagale, hamonga ne wanhu we mahala, ne walongola, ne wasilikale wose. Nawo wogona nhongo ze cibitilila, hamba si wolokwinucila lukulu. Vyo nghutya ane no Mutemi, ane mono nili Muwaha Mulungu, we mihanga.

Ezekiyeli 39:20

Na mu meza yangu, nolozitenjela nyama ye zifwalasi na ye wapanda fwalasi, hamonga na ye wasilikale vitung'ati, hamonga ne wanhu wose wo wulugu. Vyo yakutya u Muwaha Mulungu.”

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Nahumu 2:13

Muwaha Mulungu we Mihanga yakutya, “Ane nili mulugu wako, nane nogakongoga matuka gako go wulugu. Ne wasilikale wako wolowulagwa ku wulugu, nane novisola vinhu vyose vyono wavisola ku wulawa kuli wanhu wanji. Ne mazi ge wetumami wako, hamba sigolohulikwa kanyhi yaye.”

Nahumu 3:18

Gwe go mutemi wa Ashuli, walanjilizi wako wakondya kufwa, ne wawaha wako we lilumbo wagona cibitilila! Wanhu wako weyagaye mu matunda, hasina hamba munhu mono kowagomola kanyhi ku zi kwawo.

Zakaliya 12:4

Nane mu vipango vivyo, nolozogofya zifwalasi zawo, no kuwanoza i wajendela zifwalasi wawo, wawe wena lukwale. Nowalanjilila viswanu wanhu wa Yuda, kanyhi nolozinoza zifwalasi ze walugu wawo zibofule.

1 Samwili 26:12

Hodu, Dawudi yakawa kuwukula mugoha baho hasi, yakawa kuwusola hamonga ne ciya ce malenga, navyo vyose vyali vili behi muno, ha mhelo yo mutwe wa Sawuli. Dawudi na Abishayi, hodu wakawa kutuluka. Na mwi'daha lilyo hakawa hasina munhu hamba monga mono yawawona, hamba kumanya zono zetumwaga, wose wali wagonile nhongo ze fwefwe, hambi Muwaha Mulungu nha yali yawaletela wose nhongo nzito muno muno.