Zabuli 73:3 - Luganuzi Luswanu Kuli Wanhu Wose 2002

³ hambi nha nali kuwawonela wivu i wedunhumuzi, lono nali neza kuwona i wabi wakumoteswa.

Zabuli 73:3 ပူးပေါင်းရင်းမြစ်များ

Jobu 21:7

Alu nhawule mwene, Mulungu yakuwaleka i wanhu wabi wekale womi, sunga wakombipe hamonga no wumoteswe?

Yelemiya 12:1

Gwe go Muwaha Mulungu, hamba ciwangane nagwe muli zangu, agwe ninga vyo kojendelela kuwa mu mbeka du. Holeka nane luno, nosuma kukuwuza zinghani zono zinojeye wiling'ano, nha vyono nhavi, Alu mwene, nhawule i wanhu wabi nawo wamoteswe muno? Hamba nhawule i wanhu wono si wehuwilwa nawo wekaye wacehile?

Zimbazi 23:17

Wulece kusulumila ze wabi, langa weze wuli mogopa Muwaha Mulungu du, no kwihwesa zo wumi wako go mweneco.

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zabuli 37:1

Wulece kwigaza ku soko ye wanhu wabi, wulece kuwawonela wivu i wetuma zimbi.

Zimbazi 24:1

Wulece kuzisulumila ze wanhu wabi. Hamba wulece kwilunza nawo.

Yakobo 4:5

Mulece kwihwesa mba vyono i Mandiko Gono Gelile galongaga zinghani za bwete, lono gatezaga, “Umuhe wono Mulungu yawika muli sese, wina wivu wuwaha.”

Zimbazi 3:31

Wulece kuwawonela wivu, i wanhu wagazi, hamba wulece kuwega mu metumo gawo.

Jobu 12:6

Ninga i wahizi hamonga ne wanhu wono wasina mulungu, awo wekalaga wapolile. Hamba wawe mulungu wawo yali mu vilungo vyawo weneco.

Jobu 17:8

Ne wanhu wo mugoloka, wakwizina so nghani yiyi hanyuma wakuhosa, nha kotya ane nane nihwanile ne wanhu wono so wamogopile Mulungu.

Jobu 24:23

Mulungu kamupelaga yekale yapolile, ninga meso gakwe, galangaga zinzila zakwe.

Zabuli 10:5

U munhu mubi katugaga cambuzi nhondo zose, hamba si kayimanyaga ne ning'aniza yo Mulungu, kanyhi kawabedegalaga i walugu wakwe wose.

Muganuzi 7:15

Na mu mikalile yangu yo wuciwa, nakondya kuziwona nghani zose, vyono kumbe u munhu we ling'ani, nayo kafwizaga du hamba yawe yali ling'ani, ninga u munhu mubi kajendelelaga kuwumipa du hamba yawe mubi.

Malaki 3:15

Ninga nha vyono ase cikuwona, i wanhu wevuni wo wawo wono wekalaga wena nyemo. Ninga i wanhu wabi, si vyono wakumota du, langa kanyhi wakuwa kumujela Mulungu wukangalizi wakwe mu metumo gawo mabi, nawo wakupona.’ ”