Zabuli 72:4 - Luganuzi Luswanu Kuli Wanhu Wose 2002

⁴ U Mutemi yawatetele, i wasocele wa mu nghungugo, yawataze wana we waciwa, langa yawongomezeze lukulu i wanhu wabi.

Zabuli 72:4 ပူးပေါင်းရင်းမြစ်များ

Jobu 19:2

Alu mwene, nha mwanhimvya muno ne zinghani zenyu?

Jobu 34:24

Kanyhi yasina soko yo kuwasunjilila walongola, no kuwawusa, no kuwawika wanji wahalile hanhu hawo.

Zabuli 109:31

hambi mwene nha kawatetelaga waciwa, kanyhi kamuponyaga kuli walya, wono wakumuling'aniza yafwe.

Zabuli 2:9

Nagwe kowapondanjiza ne nghome ya cuma, kanyhi kowatulanga nha nyungu yo muwumbi!’ ”

Zabuli 94:5

Wakuwongomeza wanhu wako 'gwe go Muwaha Mulungu, no kuwewonela wawo wono yo sawo yako.

Zimbazi 20:26

U mutemi we mahala, kosuma kumumanya kamonga du u munhu mono yasutizye, nayo komulipiciza yasina lusungu.

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 42:1

Muwaha Mulungu yakutya, “Lanjenyi ta u mwitumami wangu mono nghumusikamya, yo yuyo mono namuhagula, kanyhi mono nghwendezwa nayo. Nakondya kumumemya muhe wangu, nayo kowaletela makungugo gose wiling'ano.

Isaya 42:3

Hamba si kolibena yaye, lidete-lulenga, hamba si kocizimya yaye cikoloboyi cono cikufwifwiza. Langa mwene kowaletela ling'ani wanhu wose.

Isaya 9:4

Hambi nha wawubenanga lubano lo mutegulo wawo, hamonga ne nghome yono yawatowaga mu mawega gawo. Hambi nha walisuma likungugo lyono lyawewonelaga no kuwatendela kwe vilungo wanhu wako, nha vyono walisuma katali lipuga lye wasilikale we Wamidiyani wo wulugu.

Zakaliya 11:11

Hobaho cilagane cici cikawa cabeneka mwi'zuwa lilyo. Awalya wono wagulaga no kuguza zingholo, wali wananjiliye, nawo wakamanya vyono u Muwaha Mulungu yalongaga nawo mu nzila ya zizo zono nazitumaga.

Zakaliya 11:7

Hobaho awalya wono wagulaga no kuguza zi ngholo wakunondola no kusola, ho niwe mudima zingholo zilya zono zategulwaga ho zikawulagwe. Baho nghetujila nghome monga, nghayicemela yitagwa “Ihewa” na ye kejete nghayicemela “Malunza.” Hobaho nghajendelela kulidima litewa lili.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!

Wugubule 18:24

I likaya lilyo lya Babiloni likalipicizwa, ku soko vyono, mugati yayo, yejela i sakami ye wawizi, ne sakami ye wanhu wo Mulungu, sunga ne sakami ye wanhu wose wono wawulagwa kono'nze.

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”