Zabuli 72:1 - Luganuzi Luswanu Kuli Wanhu Wose 2002

¹ Gwe go Mulungu wumupele mutemi ning'aniza yako, wumupele mwana wo mutemi wiling'ano wako,

Zabuli 72:1 ပူးပေါင်းရင်းမြစ်များ

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

1 Watemi 1:39

Nayo Zadoki, yali yena ne lihembe lyono lyali lina mafuta, lyono yalisola mwi Hema lyono Lyelile yakawa kumwitila Solomona. Wakatowa ndulele, ne wanhu wose wakazoza wakutya, “Go mutemi Solomona, wikale Cibitilila!”

1 Watemi 3:9

Holeka nghukunena wumhele mahala. Hambi nha nghuhila niwateme wanhu wako mu ling'ani, kanyhi sume kumanya zimbi ne ziswanu. Hambi 'ne nosuma wule kuwatema wanhu wako wenji muno wono wenha wawa?”

1 Zinghomo 18:14

Mutemi Dawudi yakatema mu Isilayeli yose, yakayinoza mikalile ye wanhu wakwe, yiwe yili mu ling'ani ne mbeka nhondo zose.

1 Zinghomo 22:9

Ninga hamba nhavivyo, yanyihuwiza yakatya, ‘Agwe Dawudi kotuga mwana mono kolotema ko mulamu. Hambi nha nomunoza yawe no mulamu kuli walugu wakwe wose. Ne litagwa lyakwe kolocemwa Solomona. Vyono mu cipango co wutemi wakwe, ane nolowapela Waisilayeli mulamu hamonga no wucitilwe.

1 Zinghomo 29:19

Wumupelaje mwanangu Solomona nhumbula nhuvu, yebate wulajilize wako, yawitumame, kanyhi yayizenje ne Nyumba yako yiyi, ye nhojo, yono nakondya kuyiwicila ne vinhu vyose vyo kuyizenjela.”

2 Zinghomo 1:10

Holeka ane, nghukulomba wumhele mahala no wizuce, wono wonghwila kunhaza, ho sume kuwatema wanhu wawa. Hono si nhavivyo, ane ho nosuma wule kuwatema wanhu wako wawa i wenji muno?”

Zabuli 127:1

Muwaha Mulungu hono yalece kuyizenga kaya, wono wakuyizenga wakwigaza bwete. Muwaha Mulungu hono yalece kulidima likaya, wono wakulilindiliza, wokwikala meso bwete.

Isaya 11:2

Nayo muhe wo Muwaha Mulungu kolomupela mahala, hamonga no wizuce no wunghula wo kuwatemela wanhu wakwe. Nayo kolowumanya wuhile wo Muwaha Mulungu kanyhi kowa ne cogopo kuli mwene.

Yohana 3:34

Hambi mono yatumwa no Mulungu, nha yo kalongaga zinghani zo Mulungu, hambi u Mulungu nha yakumupela munhu yuyo Muhe wakwe wusina cipimo.