Zabuli 70:4 - Luganuzi Luswanu Kuli Wanhu Wose 2002

⁴ Ninga awalya wose wono wakulondolaga, wasangalale, no kusecelela ku soko yako. Na walya wose wono wakwendezwa, ne vilungo vyako vyo kuponya, weze kulonga nhondo zose wakutya, “Mbeka Mulungu yo we vilungo muno!”

Zabuli 70:4 ပူးပေါင်းရင်းမြစ်များ

Zabuli 35:27

Awo langa wono wakusangalala, ku soko yo wiling'ano wangu, waweze na nyemo nyinji, wewuyajize kulonga kali kenji watye, “U Muwaha Mulungu yo Muwaha muno! Kendezwaga no wumoteswe wo mwitumami wakwe.”

Zabuli 40:16

Ninga wose wono wakukulondola, wasangalale no kuwa na nyemo mbaha. Nawo awalya wono wendile ze mhonelo yako, nhondo zose, weze kulonga wakutya, “Yalumbwe Muwaha!”

Zabuli 5:11

Ninga wose wono wakwihundika Muli'gwe, wasecelele, wembe ko wusangalale vilo vyose, wuwadimaje wose wono wakwendile gwegwe, ho wasangalale ku soko yako.

Zabuli 97:12

Nanye mo we ling'ani, muzisangalalilaje zono Muwaha Mulungu yetuma! Mukumbucile zo lukumyo lwakwe, mumulumbe!

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

I Cililo 3:25

U Muwaha Mulungu, muswanu kuli wose wono wakumwitumbila.

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.