Zabuli 7:9 - Luganuzi Luswanu Kuli Wanhu Wose 2002

⁹ Wavu we wanhu wabi wudume, wumukamye munhu we ling'ani, 'gwe go Mulungu mono kwitumaga ling'ani, mono wuzimanyile zose ze cinyele za mu zinhumbula, ne mahweso ge wanhu.

Zabuli 7:9 ပူးပေါင်းရင်းမြစ်များ

Mwamulizo 20:5

Alu si yo mweneco Abulahamu mono yenoza yeze Sala nha lumbulye? Kanyhi hamba nhavivyo, Sala nayo yenoza Abulahamu nha lumbulye! Ane nane nayinoza nghani yiyi ko mutima muzelu muno muno, holeka sina yisutya.”

1 Watemi 8:32

Gwe go Muwaha Mulungu, wuhulice kuko ku wulanga wumuling'anize mwitumami wako. Wumulipicize musutyi, wumulecele ayulya mono yasina lisutya.

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

Zabuli 10:15

Alu wuvibenanjizaje vilungo vye wabi, wuwudumyaje wubi wose ho wulece kwijela kanyhi.

Zabuli 10:18

Kowataza i wana wono wasina walezi, na wono wakwiwonelwa, munhu we nghuli ho yalece kuwogofya kanyhi.

Zabuli 11:5

Muwaha Mulungu kawapimaga we ling'ani ne wabi, nayo kawasulaga muno muno i wanhu wakali.

Zabuli 139:1

Gwe go Muwaha Mulungu, agwe wamhima, wakondya kumanya sunga, zono zili mu nhumbula yangu.

Zabuli 17:3

Agwe wuyimanyiye lukulu nhumbula yangu kunyiziza ne cilo, kunyihenga hamba kuwona cinji cibi muli'ne.

Zabuli 18:21

Ane niyityatyaga nzila yo Muwaha Mulungu du, hamba nghali namuleka Mulungu wangu.

Zabuli 26:2

Go Muwaha Mulungu, nghulomba wunjele, wumhime, wugalanje mahala gangu, ne nhumbula yangu.

Zabuli 35:23

Wuze go Muwaha Mulungu wunhetele, wuze go Mulungu wangu, wuzilanje, zinghani zangu.

Zabuli 37:23

U Muwaha Mulungu, yo katongaga zinghanzo zo munhu, nayo kamudimaga munhu mono yakwendezwa nayo,

Zabuli 40:2

Yakanimula mwikombo lye zimbali, yakambusa mu nhope namu, yakambika mholile mucanyha ye litalawe, yakazikamya zinghanzo zangu.

Zabuli 43:1

Gwe go Mulungu, wime ku lubavu lwangu, wunhetele ling'ani yangu, wunyhitile kuli wanhu wono wakusulile, i wanhu walambi kanyhi wabi.

Zabuli 44:21

agwe go Mulungu, mhali wakondya kuyimanya nghani yiyo, hambi 'gwe nha wuzimanyile zose ze cinyele, zono zili mu zinhumbula.

Zabuli 58:6

Gwe go Mulungu, wugabenaje meno gawo, wugakule i meno ge masimba gago, 'gwe go Muwaha Mulungu.

Zabuli 9:9

Muwaha Mulungu, wo wutizizo kuli munhu, mono yakwiwonelwa, kanyhi ho hanhu hono hapolile, mu vilo vyo wugaye.

Zabuli 96:10

Mugalonjele makungugo mutye nhavi, “Muwaha Mulungu yo Mutemi! Yayisimya yinze hanhu hayo, hamba si yosinjisicila lukulu yaye. Nayo kowaling'aniziza wanhu mu ling'ani.”

Zabuli 96:13

Nayo Muwaha Mulungu kokuza no kuyitema yinze. Heya, mwene kowatema wanhu, mu ling'ani hamonga no wiling'ano.

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Yelemiya 11:20

Hobaho nane nghawa kumulomba Mulungu nghatya, “Gwe go Muwaha Mulungu u Mulungu we mihanga, agwe yo gwegwe mono wuli muling'anizi we ling'ani, kanyhi yo gwegwe du mono kuwajelaga i wanhu mu zinhumbula zawo, sunga na mu mitima yawo mugati. Holeka nane luno, nghuziwika zinghani zangu mu miwoko yako, nane nghulanjiliye wuwalipicize wanhu wawa.”

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Yelemiya 20:12

Ninga agwe go Muwaha Mulungu we mihanga kuwajelaga wanhu we ling'ani. Nagwe wuzimanyile zose zono zili mu zinhumbula zawo, na mu mahweso gawo. Holeka ane nghulindiye mbone wulipicizwe wono kowalipiciza i walugu wangu, hambi 'ne nha nakulecela gwegwe zinghani zangu.

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Metumo ge Watumwa 12:23

Ho baho baho Malayika wo Muwaha yakamugwisa Helode hasi, vyono si yamupela Mulungu lilumbo lilyo. Yakaligwa ne mang'onyo, yakafwa.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka, yono yali hundikwe mu ndelo nyinji zono zapuluta.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”

1 Samwili 2:9

“Kawadimaga i wanhu wakwe wehuwilwa ninga i wanhu wetuma wubi, wokongomezezwa mu citi hambi nha hasina munhu, mono kasumaga kwe vilungo vyakwe mweneco.