Zabuli 69:7 - Luganuzi Luswanu Kuli Wanhu Wose 2002

⁷ Hambi nha nghozwa cevu ku soko yako gwegwe, soni zifunicize mu wusu wangu.

Zabuli 69:7 ပူးပေါင်းရင်းမြစ်များ

Zabuli 44:15

Misi yose nikaye nghuwona cevu, no wusu wangu wumemile soni zose,

Zabuli 44:22

Ninga nase ku soko yako, ciyidomile ne lifwa misi ne cilo. Cikutendelwa nhe zingholo zono zikuwulagwa.

Isaya 50:6

Nawapitucila mugongo wangu wanhu wono wanhowaga, na lono wanhovulaga, ane si nawemila yaye, sunga na lono wanghulaga zindevu zangu no kunhowa mu wusu wangu.

Isaya 53:3

Camuzwajiza kanyhi cikamulema nayo yakangalila magazo no wusungu. Ninga hasina munhu wo wose mono yali yamulanjile si camucelelela, cikamuwona si cinji yaye.

Yelemiya 15:15

Hanyuma nane Yelemiya, nghapitula nghatya, “Gwe go Muwaha Mulungu, agwe go mweneco wuzimanyile. Ninga langa wunghumbucilaje, wumhele wutazi. Nghukunena wundipicizize simbili yangu kuli wose wono wakumhela magayo. Wulece kuwakangalila wawo, ho walece kusuma kumbulaga. Kanyhi wukumbucile vyono ane nghutovulwa ku soko yako gwegwe.

Luka 23:11

Helode hamonga ne Wasilikale wakwe, wakamukoza cevu Yesu, no kumuzwajiza; hanyuma wakamuvwika mwenda we citemitemi, wakamugomola kuli Pilato.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.