Zabuli 69:6 - Luganuzi Luswanu Kuli Wanhu Wose 2002

⁶ Gwe go Muwaha Mulungu, u Mudaha Vyose, wulece kuvumilila lukulu, awalya wono wakwitumbiye wakolwe cevu ku soko yangu. Wawo wono wakukulondola, 'gwe go Mulungu wa Isilayeli, walece kupuwa ku soko yangu.

Zabuli 69:6 ပူးပေါင်းရင်းမြစ်များ

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

Zabuli 25:3

Na wose wono wakwitumbiye gwegwe, si wokozwa cevu yaye. Langa wono wakubedegaye wokozwa cevu.

Zabuli 35:26

Walekaje 'gwe wawo wono wakusecelela, so wutamiswe wangu, wasumwe wose, wakolwe cevu. Na wawo wose wono wakwiwona nha waswanu wanyhizize, wakolwe cevu, kanyhi wapuwe.

Zabuli 7:7

Wugakonghole hali gwegwe makungugo gose, nagwe ho wugateme ku wulawa ku wulanga.

Zabuli 72:18

Yalumbwe Muwaha Mulungu, u Mulungu wa Isilayeli, mono kanozaga mapoto yali wene.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Metumo ge Watumwa 13:17

U Mulungu we wanhu wawa Waisilayeli, yawahagula wakuku zetu, yakawanoza kuwa nghungugo mbaha, lono wali mu yisi yo wujenzi kuko ku Misili. No Mulungu yakawawusa kuko, kwe vilungo vyakwe viwaha.

Metumo ge Watumwa 13:23

Mu wulawa mu mhuga yo munhu yuyu, u Mulungu nha vyono yehuwiza, kawaletela wanhu wa Isilayeli Muponyi, yo Yesu.

Metumo ge Watumwa 4:7

Waza kuwawika iwatumwa hamwande yawo, wakawawuza wakutya, “Alu 'nye, mukwitumila zizi mu vilungo vya hayi, na mwitagwa lya nani?”