Zabuli 69:4 - Luganuzi Luswanu Kuli Wanhu Wose 2002

⁴ Nawo wanhu ho wenji wono wasulile bwete, wenji muno wacizize no winji we zimvwili zangu. Ne walugu wangu wakunonga za wulambi, wali vilungo, wakusaka wambulaje. Wakusaka ati ngomole vinhu vyono'ne si solile.

Zabuli 69:4 ပူးပေါင်းရင်းမြစ်များ

Zabuli 35:19

Wulece kuwaleceleza wawo walugu wangu, wajendelele kusimanga, na wawo wono wakusula 'ne bwete, ho wawusangalalile wugaye wangu.

Zabuli 40:12

Hambi wugaye nha winji wono wumhilime, si wukusumika hamba kuwuwalwe, ne masutya gangu gambaninyhize, hamba si nghusuma no kuwona, hambi nha masutya menji, kuciza winji we zimvwili za mu mutwe wangu, sunga nane nhondo neza sina witumbilo kanyhi.

Zabuli 59:3

Alu, lanje, ta, vyono wakusepa wambulaje, i wanhu, wawulaji wakwilunza hamonga ku soko yangu.

Zabuli 6:7

Ne meso gangu gakatala so wukalale, gavimba ku soko yo wugazwe ne walugu.

Yohana 15:25

Na vyo yinojeye, zizilya zono zandikwa mu Wulajilize wawo zifisilizwe, zono zikutya, “Wasula bwete.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

1 Petelo 2:22

Umwene siyetuma wubi, hamba nghani yo wulambi, siyahulikwa mu mulomo wakwe.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we ling'ani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,