Zabuli 69:3 - Luganuzi Luswanu Kuli Wanhu Wose 2002

³ Alu natimba muno so cililo cangu, sunga ne malaka gangu ganyala muno. Ne meso gangu geza si gakuwona viswanu, lono nghuwulondola wutazi wako.

Zabuli 69:3 ပူးပေါင်းရင်းမြစ်များ

Jobu 11:20

Ninga i wanhu wabi, wowa kunasa ako na ako kwe mahwele nawo hamba si wotuga nzila yo kwiponezya yaye. Langa witumbilo wawo, wowa wufwe du.”

Jobu 16:16

Nane nalila, sunga no wusu wangu nhondo wadunghuwala, ne meso gangu gavimba, gawicila no mubeho,

Zabuli 119:123

Meso gangu nha gakatala, so wulanjilila mhonelo yako, no wufisilize we nghani yako ye ling'ani.

Zabuli 119:82

Ne meso gangu nha gakatala, so wulanjilila cono wehuwiza, sunga neza kuwuza nghutya, “Alo ho kokuza nili wusindamice?”

Zabuli 22:15

Mumelo wangu wanyala nhe lizaye, no lulimilwangu lukwinamatila mu zinzagasa zangu, wandeka fwiye mu manghundi.

Zabuli 22:2

Mulungu wangu! Mu misi nghukulilila ninga hamba si wukuhuliciza, na ku cilo nako nhavivyo, ninga hamba singhutuga wucehe yaye.

Zabuli 25:21

U wuswanu wako no wiling'ano wako vinghamise, hambi 'ne nha nghwitumbiye gwegwe.

Zabuli 39:7

Nalu, 'gwe go Muwaha Mulungu, alu nghali nindiye cici kanyhi? Witumbilo wangu nha wuli kuli gwegwe du!

Zabuli 40:3

Yakanyijiza lwimbo lupya, u lwimbo lo kumukumya Mulungu wetu. Nawo wo wenji wono woziwona zizi wokogopa, baho nawo ho womwitumbilo Muwaha Mulungu.

Zabuli 6:6

Nghataye muno muno ku soko ye cililo cangu co wusungu, vilo vyose ku cilo nghucisuluziza citanda cangu mahozi, na mu wulile wangu, nghuwusuluziza muto wangu.

Zabuli 69:21

Lono nali ndabuce, wene wakamhela sumu yo nilye, nali nghaluce, wene wakamhela siki yo ning'we.

Zabuli 88:7

Likuwo lyako limvunile muno muno, nagwe wunhyatiliye ne mawingo gayo.

Isaya 38:14

Ne lizi lyangu likasocela, likawa yidodo muno. Nane nghawa kulila nha nghunda. Ne meso gangu gakakatala so wugalamila kucanyha. Gwe go Muwaha Mulungu, wumhonye mu wugaye wuwu.

I Cililo 2:11

Woyi, he! Nhondo ne meso gangu, gapaya so cililo, ne nhumbula yangu nayo, yili mu wusungu wuwaha. No wusungu wanhamisa muno, ku soko yo wuhodanjice we wanhu wangu. Naluno i wana wadodo hamonga ne wagalika, wakuzilika du mu zinzila ze likaya.

Yohana 19:28

Hanyuma Yesu, vyono yali yamanyile vyono zose zamalika, imandiko ho gafisilizwe, yakatya, “Nakaluka.”

Wukumbucize wo Wulajilize 28:32

Nawo i wana wenyu we cicekulu sunga na we cilume, wopegwa likungugo lijenzi ha meso genyu, wawanoze wawe wawanda wawo. Nanye mowa mwikaye nhondo zose muwulanjiliye wuwuye we wana wenyu ninga wulanjilile wenyu, yowa nghani ya bwete du.

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.