Zabuli 69:19 - Luganuzi Luswanu Kuli Wanhu Wose 2002

¹⁹ Hambi agwe nha wumanyile vyono nghutovulwa'ne, wumanyile ne cevu, hamonga ne zisoni zono zikunyagana, sunga ne walugu wangu, agwe wuwamanyile wose.

Zabuli 69:19 ပူးပေါင်းရင်းမြစ်များ

Zabuli 38:9

Go Muwaha Mulungu, agwe wuwumanyile wuhile wangu, hambi cililo cangu nha cili calinze hali'gwe.

Zabuli 5:9

Izinghani ze walugu wangu, si za kwitumbilwa yaye, hambi wuhile wawo, nha wukuleta wongomeze du. Mu zinhumbula zawo wamemile wubi wose, ne mimelo yawo, wenha citenjelo cono cili mwazi, wekalaga wakulonga zo wulambi du.

Isaya 53:3

Camuzwajiza kanyhi cikamulema nayo yakangalila magazo no wusungu. Ninga hasina munhu wo wose mono yali yamulanjile si camucelelela, cikamuwona si cinji yaye.

Yohana 8:49

Yesu yakawatya, “Ane sina macisi, ninga ane, nimogopaga Baba. Ninga anye si mukunyogopa ane ng'o.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.

1 Petelo 2:23

Na lono wamuligaga, mwene siyawapitula ne'ligo, lono yagazizwa, mwene siyawapinjicila langa yamuwicila u Mulungu u witumbilo wakwe wose, u muling'anizi we ling'ani.