Zabuli 69:13 - Luganuzi Luswanu Kuli Wanhu Wose 2002

¹³ Ninga'ne nghukulomba, agwe go Muwaha Mulungu, wuvumile wulombe wangu, nha vyono wendile gwegwe, lono nghukulomba. Wuhulicize, 'gwe go Mulungu, hambi agwe nha wuli lusungu muno, kanyhi yo gwegwe du, mono yo mhonelo ye mbeka.

Zabuli 69:13 ပူးပေါင်းရင်းမြစ်များ

Mwamulizo 24:27

yakatya, “U lukumyo lweze kuli Muwaha Mulungu, u Mulungu wo muwaha wangu Abulahamu, mono sikalekaga u lusungu lwakwe ne mbeka yakwe, kuli muwaha wangu. U Muwaha Mulungu kanhonga mu nzila, sunga kafisa kuli wanduguze wo muwaha wangu Abulahamu.”

Esita 5:2

Nayo mutemi yali yeza kumuwona Esita yemile hanze ye lilango, yakendezwa muno. Hobaho yakawa kuyisola nghome yakwe ye zahabu, yakawa kumusonha Esita. Nayo Esita yakapamiza cisonje ce nghome yiyo.

Esita 5:6

Na lono wang'wezaga divayi, Mutemi yakamuwuza Esita yakatya, “Nonjele co cose cono wukusaka nane nokupela. Nowuvumila wulombe wako, nane hamba yiwe nusu yo wutemi wangu, nokupela.”

Esita 7:2

yono yali yanozwa nghanghulo ye kejete. Na lono wajendelelaga kung'wa divayi, mutemi Ahasuwelo yakamuwuza kanyhi Esita yakatya, “Gwe Esita go mugolece wa mwi'kulu, wukusaka nghutendele wule? Nonjelaje du, nagwe kosuma kucituga cinhu cico. Nane ndahile kukupela hamba yiwe nusu yo wutemi.”

Zabuli 32:6

Holeka yimunojeye munhu wo wose mono yakogopile, yakulombe mwi'daha lyo wugaye, hamba gaze magaziko menji, ninga si gomuficila yaye.

Zabuli 51:1

Wumbonele lusungu, 'gwe go Mulungu, mu nghango yo wendo wako wuwaha, wugapatile lukulu masutya gangu, ku soko yo winji wo lusungu lwako.

Zabuli 91:15

Nane nomupitula lono yakunyhemeleza, na lono yali mu wugaye, ane nowa nili hamonga nayo. Nomuponya no kumupela cogopo.

Zabuli 98:3

Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

Isaya 49:8

Muwaha Mulungu yakuwalonjela wanhu wakwe yakutya, “Kolo lizuwa lyo kumuponyenyi lyakondya kuza, ane nomuponyenyi, nomupitulenyi cililo cenyu co kusaka wutazi. Nolomudimenyi no kumucitilenyi, hamba muwe mwali mwakondya kuwika cilagane ne wanhu wose co kusaka wutazi. Kanyhi nolomudimenyi no kumucitilenyi, so cilagane cono nacinoza ne wanhu wose muli nyenye. Nane nomuwicenyi mwikale kanyhi mu yisi yenyu yono yali lyeza yitongo.

Isaya 55:6

Holeka mumupitucile Muwaha Mulungu, mumulombe lono yakali yali behi.

I Cililo 3:63

Na ku wulawilila hakali mitondo sunga lyoswa, wekalaga wakusekanga du.

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Luka 1:72

Yakatya, kowawonela lusungu walezi wetu. No kukumbucila cilagane cakwe cono celile.

Luka 22:44

Nayo vyono yali mu wusungu wuwaha, yakehinda kulomba, ne lituguti lyakwe, likawa nha mabanhi ga Sakami gakasulula ho hasi.]

2 Wakolinto 6:2

Hambi u Mulungu nha yakutya nhavi; “Mwi'daha lyono lyali linojeye, lo nakuhulicila. Mwi'zuwa lyono lyali linojeye wuponywe, baho ho nakutaziza.” Lanje, aluno ho hanojeye muno muno, kanyhi izuwalili lyo lizuwa lye mhonelo!

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

1 Petelo 2:23

Na lono wamuligaga, mwene siyawapitula ne'ligo, lono yagazizwa, mwene siyawapinjicila langa yamuwicila u Mulungu u witumbilo wakwe wose, u muling'anizi we ling'ani.

1 Samwili 25:8

Hamba wuwawuze, na weneco du wokulonjela. Nase ciziza mwi'zuwa liswanu, na Dawudi yakukunena wucibocele ko wuswanu. Kanyhi dedede, ase co wetumami wako, hamonga na Dawudi mwendece wako, cikukulomba wucipele cocose cono kowa wina naco.”