Zabuli 69:12 - Luganuzi Luswanu Kuli Wanhu Wose 2002

¹² Ne wanhu nhondo weza wakuhehela, mu zinzila du, sunga ne wagala wujimbi wose, wakutula nyimbo zo kunyimba nene.

Zabuli 69:12 ပူးပေါင်းရင်းမြစ်များ

Mwamulizo 19:1

I wamalayika wa walya wejete, lono waziza ku Sodoma, nayo Loti mwi'daha lilyo yali yekaye he'lango lye likaya lya Sodoma. Nayo Loti yali yeza kuwawona, yakenuka yakawahinjiliza, yakagundama u wusu wakwe ko kuwalamusa,

Zabuli 35:13

Ninga wene lono wali watamigwe, ane nghavwala magunila, nghulajila vyono nghalaye, neyigaza ko wuleka kulya ndigwa. Nghawa kulomba akuno ninamizye mutwe wangu.

Yelemiya 20:7

Gwe go Muwaha Mulungu, kunghonga'ne, nane niwa kukongwa-kongwa. Hambi agwe nha wina vilungo wunyhizize'ne kumbusiza sunga ne vilungo vyangu, nalu wanhu wose wakusekanga, wakunzwajiza misi yose.

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Matayo 27:20

Ninga i wakohani wawaha hamonga ne wanyamhala, wakawalonjela iwanhu, wamusace Balaba yo yawopolelwe, ninga Yesu yawulagwe.

Luka 23:2

Wakanza kumusonjeza, wakutya, “Cimuwona yuyu yakuwafunda vibi i wanhu wetu, yakulemeza walece kulipa kodi kwa Kayisali, yakwiyitya ati mwene yo Kilisito Mutemi.”

Wukumbucize wo Wulajilize 16:18

“Kanyhi muwawikaje walongola hamonga ne watazi wawo, mu makaya gose gono Muwaha Mulungu u Mulungu wenyu yakumupelenyi. Nawo wanhu wawa, u mulimo wawo, wowa kuwalamula wanhu ko wuling'anizi we ling'ani.