Zabuli 67:4 - Luganuzi Luswanu Kuli Wanhu Wose 2002

⁴ Ne makungugo gose gasangalale no kusecelela, hambi agwe nha wukuwaling'aniza wanhu we ling'ani. No kugatonga makungugo ga mono'nze.

Zabuli 67:4 ပူးပေါင်းရင်းမြစ်များ

Mwamulizo 18:25

Ninga nitumbiye vyono si konoza nhavivyo! Nha cinji wuwawulaje i wanhu waswanu hamonga ne wanhu wabi, wo wutya, i waswanu wanozezwe muling'ano ne wanhu wabi! Aa ng'o! Viswanu kuli muling'anizi we yinze yose kuwituma ling'ani.”

Zabuli 2:8

Ale wulombe kuli'ne nane nokupela makungugo gawe wuhazi wako, ne yinze nayo yose yiwe sawo yako.

Zabuli 82:6

Ane nghatya, ‘Yo nyenye milungu, anye wose muli wana wo Mulungu, Mono Yalawiliciye.’

Zabuli 9:8

Nayo yakuyiling'aniza yinze kwe ling'ani, kanyhi yakugaling'aniza makungugo mu wulunji.

Zabuli 96:10

Mugalonjele makungugo mutye nhavi, “Muwaha Mulungu yo Mutemi! Yayisimya yinze hanhu hayo, hamba si yosinjisicila lukulu yaye. Nayo kowaling'aniziza wanhu mu ling'ani.”

Zabuli 98:9

Sangalalenyi hali Muwaha Mulungu, hambi nha yakuza kuyitema yinze. Nayo koyiling'aniza yinze mu ling'ani, i wanhu nawo kowatemela mu ling'ani.

Isaya 54:1

Agwe Yelusalemi, wali wihwanile mucekulu mugumba mono si kalelaga, ninga luno kokwimba muno ko wusangalale. Hambi nha kowa wina wana wenji muno wucizize no mucekulu mono yena no mulume wakwe.

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Isaya 60:6

Sunga ne matewa mawaha ge zingamiya nago golokuziza gwegwe ku wulawa ku Midiyani na ku Efa. Zolokuza ku wulawa Sheba, zikuletele zahabu hamonga no wuvumba. Ne wanhu wawo, wose wologanula ze nghani swanu yono Muwaha Mulungu yetumile!

Metumo ge Watumwa 17:31

Hambi nha yakondya kuwika lizuwa lyono koloyiling'aniza yinze mu ling'ani, mu nzila ya muli munhu yumonga mono yamuhagula. No Mulungu yawapela wanhu wose wuhomelezi we nghani yiyi, ko kumuzukula munhu yuyo mu wafu!”

Walumi 2:5

Ninga so wukamu ne cibede ca mu nhumbula yako, wukwiwicila go mweneco ilikuwo, kwi'zuwa alilya lyono ilikuwo lyo Mulungu lyono lina i ning'aniza ye ling'ani lyologubulwa.

Wagalatiya 4:27

Hambi nha yandikwe: “Wusecelele go mugumba mono si kulelaga wuzoze, wulile so nyemo agwe mono wusina wusungu wo kulela hambi i wana wa ayulya mono yalecigwe nha wenji, wacizize wa ayulya mono yena mulume.”

Wukumbucize wo Wulajilize 32:43

“Nanye nyo makungugo, muwapele lukumyo i wanhu wo Mulungu, hambi Mulungu nha kawalipicizaga wose wono wakuwawulaga. Kawalipicizaga walugu wakwe. Langa i wanhu wakwe, kawanenelaga wubi wawo.”