Zabuli 66:3 - Luganuzi Luswanu Kuli Wanhu Wose 2002

³ Mumulonjele Mulungu mutye, “Imetumo gako, mbeka go metumo go wizine muno muno! Na ku soko ye vilungo vyako viwaha, sunga ne walugu wako lu, weza kukufugamila gwegwe.

Zabuli 66:3 ပူးပေါင်းရင်းမြစ်များ

Jobu 25:2

Mulungu yo we vilungo, holeka yinojeye wose wamogope mwene. Yo mulamuzi wa mu wutemi wa ku wulanga.

Zabuli 18:44

Ne wajenzi wonyiziza kwe cogopo, nawo wohulika kamonga du, kolo wakuhulika i zangu.

Zabuli 18:45

Wajenzi nawo, wusugu wawo womalika, wolawila wakucicima mu magomawakali gawo, no kunyiziza ko woga wuwaha.

Zabuli 47:2

Hambi Muwaha Mulungu, u Mulungu Mono Yalawiliciye, mono yakogofya. Yo Mutemi muwaha kono'nze kose.

Zabuli 65:5

Na mu metumo gako mawaha, mo wukucipitulila no kuciponya. Agwe go Mulungu, nha yo gwegwe go mhonelo yetu. Sunga ne viwumbwa vyose vyono vili mono'nze, sunga na vyono vili kusi mu malenga, vyose vikwitumbiye gwegwe du.

Zabuli 68:30

Wugakalipilaje le, malimu gago gono gekalaga mwi'lamba, litewa lye zindama hamonga ne zinghongolo, sunga makungugo gago gakupele cogopo, hamonga no kukulipa kodi. Ale, wuweyagaze wanhu wawo i wenda wulugu!

Zabuli 76:12

Mwene kawawusiza wumi i wawaha wedunhumuzi, kawogofyaga muno muno watemi we yinze.

Zabuli 81:15

Nawo wono wasulile, wali wafugamile ko woga wuwaha, no wulipicizwe wawo, wali wuwe wa cibitilila.

Wutuluce 15:21

Nayo Milyamu yakawatonga no lwimbo alu yakutya, “Ale mwimbilenyi Muwaha Mulungu, hambi nha kasuma ko lukumyo luwaha, fwalasi hamonga no mujendela mu fwalasi wayo, yakawagwiliza mwi'lenga.”

Isaya 2:19

Wanhu wolotiza, wawe kwinjila mu mapango na mu mabwe mawaha ga mu matunda, na wanji wolohimba mina hasi, wenjile ho weponye ne likuwo lyo Muwaha Mulungu, wakujela kwihundika ha vilungo vyakwe no lukumyo lwakwe, lono mwene yeza kuza kuyisinjisa yinze.

Isaya 25:3

Ne wanhu we makungugo ge vilungo wokukumya gwegwe ne makaya ge makungugo gose magazi, gokogopa gwegwe.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 64:3

Hambi mu madaha ganji lono waziza, wuketuma zimbaha zono si cali cizilanjiliye, i matunda gakawona gakacicima so woga.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.