Zabuli 61:2 - Luganuzi Luswanu Kuli Wanhu Wose 2002

² Ku wulawa ku mhelo ye yinze, nghukulilila ne nhumbula yangu yizilice. Wunhegule mu canyha ye litalawe liwaha.

Zabuli 61:2 ပူးပေါင်းရင်းမြစ်များ

Zabuli 142:3

Lono nili behi kukatala mu nhumbula, mwene yazimanyile zose ze mijendele yangu. Nawo walugu wanhejeze no mutego.

Zabuli 143:4

Holeka na mu nhumbula nakatala, sunga nalu fwiye yitenene ku soko yo woga.

Zabuli 17:1

Gwe go Muwaha Mulungu, wuhulicize cililo cangu ce mbeka, ubocele wulombe wangu wa mu nhumbula, wono wusina wulambi.

Zabuli 18:2

Muwaha Mulungu, gwegwe wo wutizizo wangu, ne ligomawakali lyangu. Yo gwegwe Mulungu wangu, ne litalawe lyangu, nghutiziza kuli mwene ho niwe mholile, mwene yo ngula yangu, yo Mukombozi wangu mono yali vilungo.

Zabuli 18:46

U Muwaha Mulungu yo mumi! Yalumbwe, u mudimi no wihundiko wangu. Ale, mumukumyaje Mulungu mono yakumhonya.

Zabuli 27:5

Na mwi'zuwa lyo wugaye, mwene kohundika 'ne mu wikalo wakwe, kanyhi kombika mholile mwi'talawe mucanyha.

Zabuli 40:2

Yakanimula mwikombo lye zimbali, yakambusa mu nhope namu, yakambika mholile mucanyha ye litalawe, yakazikamya zinghanzo zangu.

Zabuli 42:6

Nina wukalale wuwaha mu nhumbula yangu, holeka nghukukumbucila muno gwegwe go Mulungu, nghukukumbucila ku wulawa mu yisi ya Yoludani, sunga ku Helimoni, na ku wulawa mwi'tunda lya Mizali.

Zabuli 43:5

Alo socici nghalaye nhavivi mu nhumbula? Hamba socici nghugazika nhavivi? Alu hodu, nomwitumbila Mulungu, nomukumya kanyhi Mulungu wangu, no muponyi wangu.

Zabuli 55:5

Nane nghucicima so woga wuwaha, nenjililwa no wogofye wuwaha muno.

Zabuli 62:2

Mwene, yo mudimi wangu mono yakumhonya. Mwene wo wihundiko wangu, muli mwene nikaye mholile.

Zabuli 62:6

Nayo yo mweneco du, mono kandimaga, no kumhonya, mwene yo mudimi wangu. Holeka hamba sinosinjisika yaye.

Zabuli 77:3

Nane lono nghumukumbucila Mulungu, nghutuga wuzinguce, na lono nghwihwesa muno, nhumbula yangu yikuzilika.

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Isaya 54:11

Muwaha Mulungu yakutya nhavi, “Gwe Yelusalemi, mbeka wagazika muno, 'gwe kaya lyono lisina wutazi, ninga 'ne noyizenga kanyhi misinji yayo ne mabwe go wuguzi wukamu.”

Luka 22:44

Nayo vyono yali mu wusungu wuwaha, yakehinda kulomba, ne lituguti lyakwe, likawa nha mabanhi ga Sakami gakasulula ho hasi.]

Wukumbucize wo Wulajilize 4:29

Na kuko nanye, molowa kumulondola Muwaha Mulungu, u Mulungu wenyu. Na hono muze mumulondole kwe nhumbula yose na ko mutima wose, molomuwona.