Zabuli 5:9 - Luganuzi Luswanu Kuli Wanhu Wose 2002

⁹ Izinghani ze walugu wangu, si za kwitumbilwa yaye, hambi wuhile wawo, nha wukuleta wongomeze du. Mu zinhumbula zawo wamemile wubi wose, ne mimelo yawo, wenha citenjelo cono cili mwazi, wekalaga wakulonga zo wulambi du.

Zabuli 5:9 ပူးပေါင်းရင်းမြစ်များ

Ezila 8:21

Bahalya ha cikolongo ca Ahava nghalavya wulajilize, wanhu wose cilece kulya, ho cinenenyheze hali Mulungu wetu, cimulombe yacilongolele, kanyhi yacidime viswanu mu muhinzo wetu, ne wana wetu, hamonga ne zisawo zetu.

Zabuli 27:11

Gwe go Muwaha Mulungu, wunyijize ze nzila yako, wunghoze mu nzila yono yigoloce, hambi walugu wangu nha wenji muno muno.

Zabuli 51:6

Ninga agwe wendile winenenyhezi wa mugati, holeka wunyijizaje mahala mu nhumbula.

Zabuli 52:2

Agwe kwihwesaga zo wongomeza wayago du, nhondo zose, no lulimi lwako, lwihwanile liceto likali! Agwe kubotaga zo wulambi du mapango gose.

Zabuli 62:4

Heya, anye langa mukuhila mungwise du, ku wulawa mwi'lumbo lyangu. Ne nyemo yenyu 'nye, yili ku wulonga, zo wulambi du. Anye mulugutaga du ko wulonje, ninga mu zinhumbula zenyu, mukulijitiza.

Zabuli 62:9

Wanhu wose nha wehwanile muhe wo wehele, wawaha ne wadodo, wose yo nghani ya bwete du, na hono wuwapime, si waficile hamba kilo, wose wapelupelu muno si nho muhe wo wehele.

Zabuli 64:6

Wakwilumbaniza mu zinghani zawo zo wuhile wubi, akuno wakutya, “Cakondya kugawikaniza viswanu, i mahweso getu! Alu nani kanyhi 'mbi mono kosuma, kucimanya zo wuhile wetu?” Ilihweso lye cinyele lyo munhu, mbeka lihundice mu nhumbula yo munhu!

Zabuli 69:19

Hambi agwe nha wumanyile vyono nghutovulwa'ne, wumanyile ne cevu, hamonga ne zisoni zono zikunyagana, sunga ne walugu wangu, agwe wuwamanyile wose.

Zimbazi 29:5

Na hono wuwe wuli mwiyendezi kuli wendece wako, wukwitega mutego go mweneco.

Isaya 26:7

Gwe go Muwaha Mulungu, kuyitelemezaga nzila ye wanhu we ling'ani, wawa kukola mu nzila yo wuhihi.

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Yelemiya 4:14

Gwe Yelusalemi, kweme mabi gose gono gali mu nhumbula yako, ho wupone. Alu ho kojendelela kwihwesa makani mabi sunga nili?

Mika 6:12

Wanhu wako i wagoli, wakuwegalila waciwa, na muli nyenye, wose muli walambi.

Luka 11:39

U Muwaha yakamutya, “Alu nye nyo Wafalisayo, mukwemaga cikombe ne sahani kunze yayo, ninga muli'nye mugati, mumemile wuhizi no wubi.

Luka 11:44

Woyi he nye! Hambi nha mwinha vitenjelo vyono si vijelaga, ne wanhu wono wakuvikanyaga si wamanyile.”

Walumi 3:13

Imimelo yawo yinha icitenjelo cono cili mwazi, ne zinimi zawo zimemile wukonji, na mu milomo yawo, mukulawa zinghani zono zina sumu kotya ya nzoka.

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!