Zabuli 47:9 - Luganuzi Luswanu Kuli Wanhu Wose 2002

⁹ Sunga ne watemi we makungugo, wakwikonghola hamonga ne wanhu wo Mulungu wa Abulahamu. Mwene Mulungu, yali vilungo yacizize mapuga gose ge wasilikale wo wulungu, mwene yamanyice muno muno muli wose.

Zabuli 47:9 ပူးပေါင်းရင်းမြစ်များ

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 89:18

Gwe go Muwaha Mulungu, hambi u mudimi wetu nha muhagulwe na gwegwe, agwe mono welile wa Isilayeli, yo gwegwe mono wucipelile mutemi wetu.

Zabuli 97:9

Hambi 'gwe go Muwaha Mulungu Mono wulawiliciye nha wutemile mu yinze yose, kanyhi yo gwegwe du, mono wuli vilungo muno muno wucizize milungu yose.

Wutuluce 3:15

Wuwalonjele wawo Waisilayeli wutye, Ane, no Muwaha Mulungu, no Mulungu we walezi wawo, u Mulungu wa Abulahamu, no Mulungu wa Isaka, no Mulungu wa Yakobo, yo yanhumile kuli'nye. Lilino lye 'tagwa lyangu cibitilila, na lilino lye 'tagwa lyangu lyono sunga na we zindelo zono zikuza wanojeye wanyheme.

Wutuluce 3:6

Ane nane yo nene mono nili Mulungu we walezi wako, nili Mulungu wa Abulahamu, no Mulungu wa Isaka no Mulungu wa Yakobo.” Musa yakawa kwigubiciza ku wusu wakwe, hambi nha yogopa kwidoma no Mulungu.

Zimbazi 30:5

“Ninga Mulungu kawukamisaga wihuwizo wakwe wono kawihuwizaga. Mwene yehwanile ngula, kuli wose wono walondolaga wucitilwe kuli mwene.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 49:7

Mulungu mono yelile wa Isilayeli, u Mukombozi wawo yakumulonjela mono yakubedegalwa ne wanhu, na mono yakusulwa ne makungugo, na kuli mwitumami we watemi, yakutya nhavi, “Watemi kolo wakukuwona, wokwinucila walajile cogopo cawo kuli'gwe, ne wana we watemi, nawo woziwona zizo, nawo wokwinama hasi, wakupele lilumbo.” Na zizi zose zolokwijela, vyono Muwaha Mulungu kakondya kumuhagula mwitumami wakwe, U Mulungu mono yelile wa Isilayeli, mwene kakamisaga wihuwizo wakwe.

Matayo 22:32

Yakutya nhavi, “Ane yo nene u Mulungu wa Abulahamu, na Isaka na Yakobo!” Holeka u Mwene yo si Mulungu wa wono wafwiye, langa yo Mulungu we womi.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu wono si Wayahudi wamuziza u Mulungu.

Wagalatiya 3:29

Holeka anye hono muwe muli wakwe Kilisito, ale muli lulelo lwa Abulahamu, kanyhi mozibocela zizo ze cilagane co Mulungu.