Zabuli 4:3 - Luganuzi Luswanu Kuli Wanhu Wose 2002

³ Mumanye nha vyono, Muwaha Mulungu yakondya, kwihagulila we ling'ani wakwe. Hambi Muwaha Mulungu, nha kahulicizaga ane lono nghumulomba.

Zabuli 4:3 ပူးပေါင်းရင်းမြစ်များ

Zabuli 31:23

Mumwendaje Muwaha Mulungu, anye mo wanhu wakwe! U Muwaha Mulungu, mwene kawadimaga wanhu wose iwehuwilwa. Ninga i wedunhumuzi, kawalipicizaga nha vyono yiwanojeye kulipicizwa.

Zabuli 34:15

Hambi u Muwaha Mulungu, nha kawalanjililaga i wanhu we ling'ani, no kuwahuliciza cililo cawo.

Zabuli 49:3

Izinghani zangu zowa za mahala, nane nolonga zinghani zo wizuce.

Zabuli 50:5

Yakutya, “Ale, munghongholele iwehuwilwa wangu, wono wawika cilagane nane mu wukumbice!”

Zabuli 56:9

Na lono nghukulomba wutazi wako, baho ne walugu wangu wawuyaga ku nyuma. Nane manyiye lukulu, vyono Mulungu yali hamonga nane.

Zabuli 6:8

Muwuce ha mwande yangu, anye wose mo wetuma wubi! Hambi Muwaha Mulungu nha yacihulika cililo cangu.

Zabuli 62:10

Mulecele lukulu kwitumbila wuhizi, hamba kwikumizya sawo yo wuhizi, kanyhi mulece kuzitumbila zisawo hamba ziwe zonjezece muno.

Wutuluce 33:16

Hambi ho yomanyika wule vyono nina wendezwe hali'gwe, ane hamonga ne wanhu wako? Ninga hono wuwe wuli hamonga nane, hamonga ne wanhu wako, ale, baho langa, ho yomanyicila vyono, ase cili wanhu mono cisimajiye muli wanhu wose wa mono'nze.”

Yohana 15:16

Anye si mwanyihaga ane, langa ane yo namwihajenyi nyenye, kanyhi nghawa kumuwagulenyi ho mubite mukalele mikalo, i mikalo yono yikalaga, nayo Baba ho yasume kumupelenyi co cose cono mukumulomba mwitagwa lyangu.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, yimunojeye yeleje no wavu.”

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wuling'anizwe.