Zabuli 38:4 - Luganuzi Luswanu Kuli Wanhu Wose 2002

⁴ No wubi wangu wungubicize, wanhulila, wawa nha mutegulo muzito muno muno.

Zabuli 38:4 ပူးပေါင်းရင်းမြစ်များ

Ezila 9:6

Nghawa kumulomba nghutya, “Gwe Muwaha Mulungu, ane nghwiwonela cevu muno hamba kukwinulila ne meso gangu. Hambi wubi wetu nha wacila muno. Nawo wonjelecela sunga ko ku wulanga.

Jobu 33:19

Mulungu kamufundilaga munhu mu nzila ye matamwa, no wisumanize wo wusungu wa mu muwili wakwe.

Zabuli 107:17

Wanji wakalelepa ku soko yo wubi wawo, wakagazika ku soko yo wavu wawo,

Zabuli 40:12

Hambi wugaye nha winji wono wumhilime, si wukusumika hamba kuwuwalwe, ne masutya gangu gambaninyhize, hamba si nghusuma no kuwona, hambi nha masutya menji, kuciza winji we zimvwili za mu mutwe wangu, sunga nane nhondo neza sina witumbilo kanyhi.

Isaya 53:11

Nayo yalaza kuwa yapuluta mu magazo, hanyuma kolowa na nyemo, baho ho komanyila vyono kumbe magazo gakwe si gali ga bwete yaye. U mwitumami wangu mwihuwilwa mono nyendezwe nayo, yuyo yo kowudinghula wuling'anizwe wa wenji, nane nowanenela ku soko yakwe.

I Cililo 1:14

“No wubi wangu wose mwene yawuwene, kanyhi kawuwopeleza wose hamonga, kawutumbika mu singo yangu. Nane nghuwula vilungo, ku soko yo wuzito wayo. Muwaha Mulungu kanyinjiza mu miwoko ye walugu wangu, nane niwa sina wo kunhaza.

Walawi 7:18

Vyono nyama yiyo yono yowa yikali yisigaye sunga mwi'zuwa lye kadatu, hono yiligwe, Mulungu nayo hamba si kocivumila cilavywa cico co munhu yuyo. Ne cilavywa cico hamba si cosuma kuwalwa vyono yakondya kuhaliza, langa cowa iwifyo du, no munhu wo wose mono koyilya nyama yiyo, kotuga wulipicizwe so nghani yiyo.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.