Zabuli 32:3 - Luganuzi Luswanu Kuli Wanhu Wose 2002

³ Lono nali nghali si nanena wubi wangu, mbeka, nali soceye so wulila misi yose.

Zabuli 32:3 ပူးပေါင်းရင်းမြစ်များ

2 Samwili 11:27

Ne vilo vye cililo vyali vyeza kupuluta, hodu Dawudi yakawa kutuma munhu yakawa kumuleta Betisheba kwi'kulu, yakawa mugolece wakwe. Nayo Betisheba yakamulelela Dawudi mwana wa cilume. Ninga Muwaha Mulungu, hamba si yendezwa ne nghani yiyi yono Dawudi yetuma.

Jobu 3:24

Alu wugule wangu, wo wukuhomela wulye we zindigwa, nane hamba si nosuma kuleka kukoloma yaye.

Jobu 30:17

Mafupa gangu gose, nha gakutama muno ku cilo, no wusungu wono wukubwanghula mu mafupa, hamba si wukucepuka yaye.

Jobu 30:30

Ne nghuli yangu yatukuwala tuku, ku soko ye mhungo yono nghutamwa

Zabuli 22:1

Mulungu wangu, Mulungu wangu! So cici wukundeka? Nhawule wuli kutali ku wunhaze, wuli kutali ne zinghani ze cililo cangu?

Zabuli 38:3

Na ku soko ye likuwo lyako, ane neza nili mu wusungu wuwaha muno, hamba na mu mafupa gangu, mweza musina wuswanu, ku soko yo wubi wangu.

Zabuli 38:8

Alu natimba, nadejepa muno, nghuzizidika muno so wusungu wa mu nhumbula.

Zabuli 51:8

Wumemye nyemo no wusangalale. Wusangalaze kanyhi, ane mono wamhondanga.

Zabuli 6:2

Wumbonelaje lusungu, 'gwe go Muwaha Mulungu, hambi ane nha nili musocele, holeka wumhonye 'gwe go Muwaha Mulungu, hambi nha nghucicima sunga mo mu mafupa mugati.

Zimbazi 17:22

Wuseci nawo, wokupela muwili muswanu, wono wusina wunyoganyoga. No wukalale we mapango gose, wo wufwa mhola mhola.

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Isaya 51:20

Ne wanhu wako wagwiye mu vipeto vyose vye zinzila ku soko yo wusocele, wehwana nhe sawada yono yigwiliye mu mutego wo mupelembi. Wamemile wutacilwe we likuwo lyo Mulungu.

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Isaya 59:11

Cimemile woga no wuhangawe. Cina wuhile no Mulungu yaciponye mu wiwonelwe wuwu hamonga ne mabi gaga, ninga hasina hambe'pitulo bwete.

I Cililo 1:3

Nawo wanhu wa Yuda, weza wawanda lu, wono wasina wutazi wo wose. Hambi lu nha wakondya kuhamywa ku zikaya zawo. Weza wekala mu zi'si zinji, wasina hamba welecele wo wose. Wapilimwe ne walugu mbavu zose, wasina hamba nzila yo kwiponezya.

I Cililo 3:4

Yandeka muwili wangu wugandile kanyhi wutimbile, yagabenanga ne mafupa gangu.

I Cililo 3:8

Nane nghulilila wutazi, ninga Mulungu si yakusaka kuhuliciza ng'o.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

1 Samwili 31:13

Wakasola i mafupa, wakagazika hasi yo mubici wo musisi, mu cikaya ca Yabeshi. Nawo wakaleka kulya vilo mupunghati.