Zabuli 3:3 - Luganuzi Luswanu Kuli Wanhu Wose 2002

³ Ninga agwe go Muwaha Mulungu, wuli ngula yangu, nane nghwilumba no kutuga wuluwuce ku soko yako.

Zabuli 3:3 ပူးပေါင်းရင်းမြစ်များ

Mwamulizo 15:1

Hanyuma ya zizi, u Muwaha Mulungu yakamulonjelela Abulamu mu wulawilwe yakatya, “Gwe Abulamu, wulece kogopa, ane nili ngula yako. Ne cipegwa cako cowa ciwaha kuciza!”

Mwamulizo 40:13

Kolo vyeza kupuluta vilo vidatu, Falawo kokuwusa mono jela, nayo kokugomola mu mulimo wako kanyhi. Nagwe kowa kumupela kanyhi Falawo i cikombe nha vyono wetumaga halulongozi, lono wali wuli mulanjilizi muwaha we ving'wegwa.

2 Watemi 18:30

Hamba mulece kumuleka yamupepelezenyi, yatye nha vyono Muwaha Mulungu komuponyenyi, hamba kolimila lipuga lye wasilikale we Waashuli ho walece kulisola likaya lyenyu.

2 Watemi 18:32

sunga kolo mutemi yakondya kuza kumusolenyi, no kumwikazenyi mu yisi yono yihwanile yisi yenyu, yisi yono yina zabibu zono zomupelenyi divayi, hamonga no wuhemba wono mosuma kunoza mikate, yo yisi yono yina mafuta ge mizeyituni, hamonga no wuci. Na hono mwitume nha vyono mutemi yakulajiliza, hodu, hamba si mofwa yaye, langa mokwikala womi du. Holeka mulecele lukulu kumuleceleza Hezekiya yamupuvyenyi, muwe kwihwesa nha vyono Muwaha Mulungu komuponyenyi.

2 Watemi 25:27

Mu mwaka wono yatemela Evilimelodaki, mutemi wa Babiloni, yakamuwonela lusungu Yehoyakimu, u mutemi wa Yuda, yakamuwopolela yawuce mu jela. Na zizi zejela mwi'zuwa lye makumi mejete na mupunghati, lya mu mwezi we likumi na nyejete, wa mu mwaka we makumi madatu na mupunghati, ku wulawa mwi'zuwa lyono Yehoyakimu yasolelwa nha mufungwa.

Zabuli 110:7

Na mu nzila, u mutemi kong'wa malenga, ga mu cikolongo, holeka kokwilumba so wusume.

Zabuli 119:114

Agwe yo gwegwe wihundiko wangu ne ngula yangu, nane niyitumbiye nghani yako.

Zabuli 18:2

Muwaha Mulungu, gwegwe wo wutizizo wangu, ne ligomawakali lyangu. Yo gwegwe Mulungu wangu, ne litalawe lyangu, nghutiziza kuli mwene ho niwe mholile, mwene yo ngula yangu, yo Mukombozi wangu mono yali vilungo.

Zabuli 27:6

Nane nowasumiliza i walugu wangu wose wono wamhilime, nane nomulavizya makumbiko sangalaye mu nyumba yakwe, nokwimba hamonga no kumusangalalila Muwaha Mulungu.

Zabuli 28:7

U Muwaha Mulungu vyo vilungo vyangu, ne ngula yangu, nane nimwitumbiye mwene kwe nhumbula yangu yose. U mwene kanhazaga no kusangalaza, holeka nane nomukumya, no kumwimbila, zinyimbo zo wusangalale.

Zabuli 4:3

Mumanye nha vyono, Muwaha Mulungu yakondya, kwihagulila we ling'ani wakwe. Hambi Muwaha Mulungu, nha kahulicizaga ane lono nghumulomba.

Zabuli 62:7

I mhonelo no lukumyo lwangu, vyose vikulawa kuli Mulungu, hambi Mulungu nha wo wutizizo wangu, kanyhi mwene yo mutazi wangu.

Zabuli 84:11

U Muwaha Mulungu yo mudimi wetu, kanyhi yo mutemi wetu wo lukumyo, mwene kacimotyaga vye lihewa lyakwe, kanyhi yakucipela no lukumyo. Muwaha Mulungu si yakuwa kuwema cinji co cose ciswanu, wono wetumaga ze ling'ani.

Isaya 45:25

Nene no Muwaha Mulungu nolowaponya we ndelo yose ya Yakobo, nawo wolonghumya no kunumbiza nene du.

Isaya 60:19

“Kanyhi ne lizuwa hamba si lyolomumulicilenyi mu misi, hamba mwezi ku cilo. Hambi ane no Muwaha Mulungu, nha yo nene mono nolowa wuzelu wenyu cibitilila. Wuzelu wo lukumyo lwangu wo wolomumulicilenyi.

Luka 2:32

Wuzelu wo kuwagubulila wono si Wayahudi. No lukumyo lwe wanhu wako Waisilayeli.”

Wukumbucize wo Wulajilize 33:29

Alu muli wamoti 'nye nyo Isilayeli, hambi nani kanyhi mono yehwanile nyenye, nyo nghungugo yono yakondya kuponywa no Muwaha Mulungu. Nayo Muwaha Mulungu, yo ngula yenyu no mumaje wenyu, ho yamudimenyi no kumupelenyi wusume. Iwalugu wenyu womuzizenyi wamulombenyi wakusaka muwawonele lusungu. Nanye baho ho mowakanyanjilila lukulu ho hasi.

Wugubule 21:11

likung'alala ku so lukumyo lo Mulungu. No wung'alale walyo, wukawa nha wung'alale we'bwe yiwaha lyo wuguzi wukamu, lyono likulengalenga nha cilole.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.