Zabuli 26:3 - Luganuzi Luswanu Kuli Wanhu Wose 2002

³ Hambi lusungu lwako nha lo lukunongoza nane, njendelaga mu mbeka yako.

Zabuli 26:3 ပူးပေါင်းရင်းမြစ်များ

2 Watemi 20:3

“Gwe go Muwaha Mulungu, wukumbucile nha vyono, ane nakwitumamila ko wihuwilwa ne cogopo, na mu vilo vyose, nghawa kuhidimbala kwituma zo wuhile wako.” Hezekiya yali yeza kudumya wulombe wakwe, hodu yakanza kulila ko wusungu wuwaha muno muno.

Zabuli 101:2

Ne mikalile yangu yowa yisina yilema lyo lyose. Alu 'gwe ma, konyiziza nili? Mu kaya yangu, nokwikala mu mikalile, yono yikwilaniciye,

Zabuli 119:142

Ling'ani yako yo ye ling'ani cibitilila, no wulajilize wako wo we mbeka.

Zabuli 25:5

Wunhongaje mu mbeka yako no kunyijiza, hambi nha yo gwegwe du go Mulungu mono kumhonyaga, nane nghwitumbiye gwegwe du vilo vyose.

Zabuli 52:1

Gwe go munhu 'gwe, socici wukwilumbila wubi wako, kuli wanhu waswanu?

Zabuli 86:11

Gwe go Muwaha Mulungu, wunyijize ze nzila yako, nane noyityatya ko wihuwilwa, wuyitongaje nhumbula yangu yikogope gwegwe.

Isaya 2:5

Holeka anye nyo wana wa Yakobo, kenhenyi cijendele mu wuzelu wono Muwaha Mulungu yakucipela.

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Luka 6:36

Mweze no lusungu nha vyono u Sogo yenyu yali lusungu.”

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

2 Wakolinto 3:18

Holeka ase wose mono si cifunicize wusu wetu, cikululajila lukumyo lo Muwaha kotya nha mwi'lole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Waefeso 4:32

Mweze na nhumbula swanu, mukwiwonela lusungu nyenye wose, mweze kwiyinenela nyenye wose nha vyono nayo u Mulungu yamunenelenyi nyenye mu nzila ya Kilisito.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

2 Yohana 1:4

Nghusecelela muno vyono mbwene wanago wanji wakujendela mu mbeka, nha vyono cabocela i lilajilizo kuli Sogo yo munhu.

3 Yohana 1:11

Gwe mwendece wangu, wulece kutyatya u musambo mubi, langa u musambo muswanu. Munhu wo wose mono yakwituma i ziswanu, yo wo Mulungu, ninga mono yakwituma i zimbi, yuyo yakali si namuwona u Mulungu.