Zabuli 17:4 - Luganuzi Luswanu Kuli Wanhu Wose 2002

⁴ Kuli ze metumo ge wanhu, ane sinongaga zimbi, nha vyono wanozaga wanji, nilibate lilajilizo lyako, singhutyatya nzila ze wawulaji.

Zabuli 17:4 ပူးပေါင်းရင်းမြစ်များ

Mwamulizo 6:11

U Mulungu yakayiwona yinze vyono yali yahodanjika muno muno, no kumema wugazi.

Mwamulizo 6:5

Nayo u Muwaha Mulungu, yaza kuwuwona u wubi we wanhu mono'nze, na vyono i lihala lye mahweso ga mu zinhumbula zawo, likalaga yibi du nhondo zose,

Jobu 15:16

No munhu kang'wezaga wubi nhe malenga na mbeka munhu iwifyo, kanyhi musocele.

Jobu 31:33

Kowali wanhu wanji, wono wajelaga kuwuhundiciza wubi wawo, ninga ane nghali si ninejelela niwuhundicize wubi wangu.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 4:4

Nayo Yesu yakapitula yakutya, “Mu Mandiko Gono Gelile yandicigwe nhavi, ‘U munhu si kokwikala mumi so mukate du, langa so nghani yo yose yono yikulongwa no Mulungu.’ ”

Matayo 4:7

Yesu yakamutya, “Kanyhi yandicigwe vyono, ‘Wulece kumujela Muwaha u Mulungu wako.’ ”

Yohana 17:17

Wuwasiwanulile mu mbeka, inghani yako yo mbeka.

1 Wakolinto 3:3

hambi nha mukali muli wanhu we ciyinze-yinze. Alu wulenyi, nha yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

Waefeso 6:17

Muyibocelaje mhonelo ho yiwe nha kofiya yenyu ya cuma, ne nghani yo Mulungu yiwe nha mumaje wono mukupegwa no Muhe Mono Yelile.

Yakobo 1:18

So wendo wakwe mweneco, yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.

Wugubule 9:11

Kanyhi zene zina no mutemi mono yazitemile, nayo yo malayika wa ku wuninyina, ne litagwa lyakwe ku nonga ye Cihebelaniya, wamucemaga, Abadoni, na kunonga ye Cigiliki kacemwaga, Apoliyoni, nha cinji “Muwulaji.”

1 Samwili 26:11

Hambi Muwaha Mulungu nha yanemeza, ndece kwijelela kumutamisa munhu wo wose mono mwene Muwaha Mulungu yamwitiye mafuta, no kumunoza yawe mutemi! Langa ane nghuwona, ciwusolaje mugoha wakwe du, hamoga ne ciya cakwe ce malenga, hodu ciwe kubita.”

1 Samwili 26:9

Ninga Dawudi yakamupitula Abishayi yakamutya, “Aa ng'o, wulecele lukulu kumutamisa! Hambi Muwaha Mulungu nayo nha komulipiciza munhu wo wose mono komutendela vibi u mutemi mono mwene Mulungu yamwitiye mafuta.