Zabuli 17:3 - Luganuzi Luswanu Kuli Wanhu Wose 2002

³ Agwe wuyimanyiye lukulu nhumbula yangu kunyiziza ne cilo, kunyihenga hamba kuwona cinji cibi muli'ne.

Zabuli 17:3 ပူးပေါင်းရင်းမြစ်များ

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

Jobu 23:10

Ninga hamba nhavivyo, Mulungu yazimanyile zinghanzo zangu. Na hono yananje, kombona sina masutya.

Jobu 24:14

Nayo munhu muwulaji, yendile kwilawa hakali mitondo, kawa kubita kumuwulaga muciwa, na mu cilo kahizaga.

Zabuli 11:5

Muwaha Mulungu kawapimaga we ling'ani ne wabi, nayo kawasulaga muno muno i wanhu wakali.

Zabuli 119:106

Nane nilahiza no kukangaza mu wilahize wangu, vyono nogakamisa mejizo gako ge ling'ani

Zabuli 139:1

Gwe go Muwaha Mulungu, agwe wamhima, wakondya kumanya sunga, zono zili mu nhumbula yangu.

Zabuli 139:23

Wulondole mu nhumbula yangu 'gwe go Mulungu, ho wumanye vyono ninha, wumhime, wugamanye mahweso gangu.

Zabuli 16:7

Nane nghumukumya u Muwaha Mulungu, mono kanhongaga sunga na mu cilo, ciselinji cangu cikuwa kunyijiza.

Zabuli 26:2

Go Muwaha Mulungu, nghulomba wunjele, wumhime, wugalanje mahala gangu, ne nhumbula yangu.

Zabuli 39:1

Ane natya, “Noyilanjilila mikalile yangu, ho ndece kwituma wubi mu wulonje wangu. Nowimila mulomo wangu lono wanhu wabi, wali behi nane.”

Zabuli 66:10

Hambi 'gwe go Mulungu, nha wacipima, wacijela nha vyono fweza yikuwa kujelwa mu moto.

Zabuli 7:4

na hono yiwe lunji nimutendela vibi muyangu, hamba lunji niwe nimutamisa mulugu wangu mbula soko,

Zimbazi 13:3

Wilanjilile kuli zono wukulonga. Wuwukamise wumi wako. Ninga munhu mono si kelanjililaga mu milonjele yakwe, keyongomezaga mweneco.

Yelemiya 12:3

Ninga go Muwaha Mulungu, agwe wuzimanyile zangu, kanyhi kuziwonaga na zono nitumaga zose kanyhi wumanyile nha vyono nghwendile 'gwe. Ale, wuwakulunhye wanhu wawa i wabi, nha ngholo zono zikutegulwa ku wuwulagwe, holeka wuwawikanizaje, sunga lizuwa lyawo lyo kuwulagwa liwaficile.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

Hoseya 7:6

Na mbeka wuhile wawo wubi, wukoleye nha moto mu mafigwa. Ne likuwo lyawo lifunghaga, na ko muno ku cilo, na kolo wela, lyakaga nha malambi ga moto.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Malaki 3:2

Nani 'mbi mono kolosuma kukangalila mwi'zuwa lilyo lyo wuze wakwe? Hamba nani mono kolosuma kwima kolo yakwijela mwene? Hambi mwene nha kolowa nha sabuni yono yikukanza myenda, kanyhi kolowa nha moto wono wukukwema fweza.

Metumo ge Watumwa 11:23

Nayo yaza fika kuko, no kuwona vyono Mulungu yawamotizye wanhu, yakasecelela, yakawanena wose wajendelele kuwa wehuwilwa muli Muwaha.

Metumo ge Watumwa 16:9

Mu cilo cico, Pawulo yawona wugubulilwe, nha kotya yakamuwona munhu wa Makedoniya yemile, yakumunena, yakutya, “Wulowoce wuze Makedoniya wucitaze.”

1 Wakolinto 4:4

I ciselinji cangu, si cikundajila lisutya lyo lyose lyono lili muli nene, ninga hamba nhavivyo, si notya ane sina wusutye ku soko yiyo, aa ng'o. Ninga u Muwaha yo yakuning'aniza.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

Yakobo 3:2

Hambi na sese wose nha cisutyaga kali kenji. Ninga hone munhu sikasutyaga mu wulonje wakwe, munhu yuyo kowa yakwilaniciye, kanyhi kosuma kuwimila muwili wakwe wose.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zeneco, zono zihodanjikaga, zijelwaga no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

1 Samwili 24:10

Ale, alu kosuma kuwona go mweneco, vyono lulu baha du lono wali wuli mu mhango, Muwaha Mulungu yali yakutajila mu miwoko yangu. Ne wanhu wangu wanji, wali wanonjela vyono nghuwulaje kamonga du. Ninga ane nghukalalila muno muno, sunga niwa kutya, vyono si nosuma kukutamisa hamba hadodo, hambi agwe, nha yo gwegwe mono Muwaha Mulungu yakuhagula wuwe mutemi.

1 Samwili 24:12

Holeka alu, Muwaha Mulungu mweneco yo koling'aniza no kulajila nani mubi muli sese co wejete! Ciba le, yali yakulipicize so litumo lyako kuli'ne. Vyono ane si nosuma hamba hadodo kukutamisa.

1 Samwili 26:11

Hambi Muwaha Mulungu nha yanemeza, ndece kwijelela kumutamisa munhu wo wose mono mwene Muwaha Mulungu yamwitiye mafuta, no kumunoza yawe mutemi! Langa ane nghuwona, ciwusolaje mugoha wakwe du, hamoga ne ciya cakwe ce malenga, hodu ciwe kubita.”

1 Samwili 26:23

Muwaha Mulungu kawahalizaga i wehuwilwa na we ling'ani. Wulanje, zuwali Muwaha Mulungu kakutajila mu miwoko yangu. Ninga ane hamba si nghutamise yaye, agwe mono Muwaha Mulungu yakunoza wuwe mutemi.