Zabuli 15:3 - Luganuzi Luswanu Kuli Wanhu Wose 2002

³ Munhu mono si muheha wanhu. Kanyhi yo munhu mono si kanozezaga muyagwe vibi, hamba kumuvila muyagwe makani go wulambi.

Zabuli 15:3 ပူးပေါင်းရင်းမြစ်များ

Zimbazi 22:10

Wumuwingaje u munhu mwidunhumuzi, mu widunhumuzi wakwe. No wiwanganile wose womalika, hamonga no wuma wose.

Zimbazi 25:3

Nagwe hamba si kozimanya, zono mutemi yakwihwesa. Hambi mahweso gakwe, nha gacicizize'se, gehwanile no wulanga vyono wuli kutali nase, hamba cisolo ce lilenga.

Isaya 56:2

Nane nhondo zose nowamotya wanhu wose wono wayikamise Sabato, hamba kuyavufya yaye, kanyhi nowamotya muno wono si wakwituma zimbi.”

Walawi 19:16

Wulece kutandaza zinghani ze maheho kuli munhu wo wose. Na hono hawe hoyuli munhu yunji mono yena calo cono comwambuza yawulagwe, nagwe hono wuwe wina wuhomelezi wono wosuma kumutaza wumi wakwe, ale, wuhomelele calinze ho wumutaze. Ane yo nene Muwaha Mulungu.

Matayo 7:12

Muwatendelaje wanji nha vyono anye mukusaka wene nawo wamutendelenyi nyenye. Na yiyi yo nhunizo yo wulajilize wa Musa, sunga ne mejizo ge wawizi.”

Walumi 1:30

no kuwabalalila wayawo i makani mabi go wulambi, wo wanhu wono si wakwendeza hali Mulungu, wafyuzi, wasisi, kanyhi wevuni, wali vilungo muno muno mu wituma zimbi, kanyhi wasina cihuliko kuli walezi wawo,

Walumi 12:17

Mulece kwiyilipiciza wubi na wubi, munhu na muyagwe. Mweze kwituma i ziswanu zono zinojeye hali wanhu wose.

Walumi 13:10

Mono yamwendile u muyagwe, si kosuma kumunozeza vibi. Holeka mu wendo, mo wukufisilizizwa u wulajilize wose.

Tito 3:2

Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumuling'aniza, yuyo, yakuwuhosa kanyhi yakuwuling'aniza Wulajilize. Na hono wuwuhose Wulajilize, agwe siwukuwibata Wulajilize, langa wukuwuhosa.

3 Yohana 1:11

Gwe mwendece wangu, wulece kutyatya u musambo mubi, langa u musambo muswanu. Munhu wo wose mono yakwituma i ziswanu, yo wo Mulungu, ninga mono yakwituma i zimbi, yuyo yakali si namuwona u Mulungu.

1 Samwili 24:11

Holeka agwe baba, wulanje ta, acino cimhembo cono nibate mu muwoko wangu co nicitemile mu mwenda wako! Nali nghuwulaje, ninga niwa kutema cimhembo cici du. Ne nghani yiyi, yo yokunoza wihuwile vyono ane sina lihweso hamba hadodo lyo kukubedegala, hamba kukutamisa yaye. Ninga agwe wukusepa ho wumbulaje, nane kumbe ho si nghusutizye hamba nghani yo yose.