Zabuli 143:9 - Luganuzi Luswanu Kuli Wanhu Wose 2002

⁹ Gwe go Muwaha Mulungu, ane nghutiziza kuli'gwe, wumhonye kuli walugu wangu.

Zabuli 143:9 ပူးပေါင်းရင်းမြစ်များ

Zabuli 142:5

Holeka nane nghukucemeleza agwe, go Muwaha Mulungu wunhaze. Hambi nha yo gwegwe du, go wutizizo wangu, yo gwegwe du mono wina vyose, vyono nghuhila mu mikalile yangu.

Zabuli 142:7

Wumbusize magaziko gono gali muli'ne nane, ho nghulumbile mu wihangulize, wa we ling'ani, hambi 'gwe nha kunhendela ziswanu.

Zabuli 31:15

Nane nhondo zose, nili mu wudimwe wako du, holeka wumhonye mu miwoko ye walugu wangu, na muli wawa wono wakungaza.

Zabuli 56:9

Na lono nghukulomba wutazi wako, baho ne walugu wangu wawuyaga ku nyuma. Nane manyiye lukulu, vyono Mulungu yali hamonga nane.

Zabuli 57:2

Nane nghumulilila Mulungu Mono Yalawiliciye, u Mulungu mono kafisilizaga visakwa vyangu vyose.

Zabuli 59:1

Gwe go Mulungu wangu, wumhonye kuli walugu wangu, wunyhitile kuli wawo wono wakwisumaniza nane.

Zimbazi 18:10

Nayo Muwaha Mulungu, wo munala we vilungo, hono i wanhu we ling'ani, wosuma kwihundika no kuwa wapolile.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.