Zabuli 128:2 - Luganuzi Luswanu Kuli Wanhu Wose 2002

² I milimo yako, yo yokutujila ne visakwa vyako, kanyhi kowona nyemo no wumoteswe,

Zabuli 128:2 ပူးပေါင်းရင်းမြစ်များ

Mwamulizo 3:19

Kanyhi kowa kulya vya mu nhuguti yako, sunga kolo weza kuwuwuyila u muhangha, hambi nha mo walawa mumo, agwe nha wuli manghundi, holeka kowuya kanyhi mu manghundi.”

Zabuli 1:3

U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Zabuli 109:11

Nayo mono yakumudaya cinji, yamuboce sawo yakwe yose, no mujenzi nayo yetujile vinhu, vya mu nhuguti yakwe!

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 62:8

Muwaha Mulungu kakondya kwihuwiza ko wilahize, nayo kowufisiliza wihuwizo wakwe kwe vilungo vyakwe. “Ne walugu wako hamba si wowulila lukulu no wuhemba wako. Ne wajenzi nawo, hamba si woying'wela lukulu ne divayi yako.

Isaya 65:13

Ninga nane nghumulonjelenyi nha vyono, wose wono wena cihuliko kuli'ne no kuhemba nene, wawo wolotuga ndigwa nyinji hamonga na co kung'wa. Ninga anye molowa muli nzala kanyhi mukaluce. Wene wolowa wasangalaye, ninga anye molokozwa cevu.

Yelemiya 22:15

Alu mwene gwee! Kolo wazenga kaya swanu ko mubici wo muhagata, alo kaya yiyo yo yokunoza wuwe mutemi muswanu lo? Mono kowa wuli muswanu, wucizize sunga ne watemi wanji lo? Ninga wumanye nha vyono, u sogo yekala mu mikalile yo wumoti, Nayo yali yali ling'ani, na we mbeka vilo vyose. Na ku soko yiyo, yakamoteswa mu milimo yakwe yose.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

Waefeso 6:3

“Ho wumote no kwikala myaka minji mononze.”

Wukumbucize wo Wulajilize 28:11

Nayo Muwaha Mulungu, komupelenyi wana wenji, ne mitugo minji muno, hamonga ne nhwanga mbaha muno muno, mu yisi yono yawehuwiza i walezi wenyu, vyono komupelenyi.

Wukumbucize wo Wulajilize 28:39

Kanyhi mowa kulima zabibu no kuzilanjilila muno muno, ninga hamba nhavivyo si mokwambulila cinji yaye, zabibu hamba divayi yayo. Hambi zabibu nha zokwinjilwa na sulenje.

Wukumbucize wo Wulajilize 28:4

“Muwaha Mulungu, komulugutizenyi nyenye, kumupelenyi wana wenji, hamonga ne nhwanga mbaha muno, hamonga ne zimitugo, zing'ombe ne zingholo nyinji muno muno.

Wukumbucize wo Wulajilize 28:51

Nawo wololya mitugo zenyu sunga ne vilimwa vyenyu, nanye hamba si molotuga ndigwa, sunga mufwe. Nawo si wolomusigazizenyi hamba mhece monga yaye, hamba divayi, hamba mafuta, hamba ng'ombe, hamba ngholo, anye langa molofwa du.

Wukumbucize wo Wulajilize 28:8

“Muwaha Mulungu, koyilugutiza milimo yenyu, ne madongha genyu kogamemya no wuhemba. Kanyhi komulugutizenyi muno muno mu yisi yono yakumupelenyi.