Zabuli 113:7 - Luganuzi Luswanu Kuli Wanhu Wose 2002

⁷ Mwene kamwinulizaga muciwa, ku wulawa mu manghundi. Kanyhi kamunyasulizaga muciwa, ku wulawa mu wosocele wakwe,

Zabuli 113:7 ပူးပေါင်းရင်းမြစ်များ

1 Watemi 16:2

“Agwe Baasha, wali si wuli munhu mono wumanyice yaye, ninga ane nghukunoza wuwe wuli mulongola muli wanhu wangu Waisilayeli. Ninga agwe lu, wakondya kwituma wubi nha vyono yetuma Yelobowamu, yakawanoza ne wanhu wangu wetume wubi. No wubi wawo wukanghoza likuwo,

Jobu 2:8

Nayo Jobu yakawa kubita kwikala mu cugulu, yakasola cizaye, yakawa yakwisuwila mu mapu gakwe.

Jobu 5:11

Heya, yo Mulungu du mono kawenulaga i wenenenyhezi, no kuwasangalaza wono wakulila.

Zabuli 107:41

Ninga hamba nhavivyo, yawaponya waciwa mu wugazwe wawo, yakawa kuyonjeleza ne mhuga yawo, wakawa nhe'tewa lya ngholo.

Zabuli 22:15

Mumelo wangu wanyala nhe lizaye, no lulimilwangu lukwinamatila mu zinzagasa zangu, wandeka fwiye mu manghundi.

Isaya 26:19

Ninga wanhu wa muli wanhu wetu wono wafwa, awo langa wolozuka kanyhi! Ne miwili yawo yilawumipa kanyhi. Na wose wono wagonile mu vitenjelo, wolokwinuka wawe kwimba na nyemo. Hambi Muwaha Mulugu nha kolowazukula wose wono wafwa katali, wowa nha buhe yono yiyisangalazaga yisi.

Ezekiyeli 17:24

Ne mibici yose ya mu yisi, yolomanya vyono, ane yo nene Muwaha Mulungu, mono niyidumulangaga mibici mitali, no kuyinoza mibici midodo yiwiluce yiwe mitali. Niyinyazaga mibici yono yidedewaye. No kuyinoza mibici mikavu, yidedewale. Ane yo nene u Muwaha Mulungu, mono nizilonjile zizi, nane nozifisiliza zizo zose, nozituma nha vyono nonjile.”

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

1 Samwili 24:14

Alu wulanje ta, u mutemi we Waisilayeli, yakulondola yawulaje nani? Lanje ta, alu kowa yakumusepa nani? Yibwa lyono lifwiye, hamba cikukupani cimonga?