Zabuli 113:6 - Luganuzi Luswanu Kuli Wanhu Wose 2002

⁶ hamba nhavivyo, kekalaga yalanjile za hono hasi, heya, kazilangaga wulanga ne yinze.

Zabuli 113:6 ပူးပေါင်းရင်းမြစ်များ

Jobu 15:15

Alu nhawule Mulungu hamba si kawetumbilaga sunga ne wamalayika wakwe, vyono nawo nhavivyo, si welile hali mwene.

Jobu 28:24

Hambi mwene nha yo kawonaga sunga ko ku zimhelo ze'nze, no kuwona zose hasi yo wulanga wose.

Jobu 4:18

Hambi, Mulungu, nha si kawetumbilaga sunga ne wetumami wakwe wa ku wulanga, nha kawawonaga sunga ne wamalayika wakwe vyono wasutyi.

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Zabuli 138:6

Gwe go Muwaha Mulungu, hamba wuwe wuli kucanyha muno, ninga wukuwalanga ko wuswanu i wasocele, ne wewoni wose, si wosuma kwihundika ha meso gako.

Zabuli 33:14

Nayo, ku wulawilila mwigoda lyakwe lyo wuwaha, yakuwalanga no kuwawona wanhu wose wono wekaye mononze.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 6:2

Kanyhi hali howali Wamalayika wono wali wemile wamupilime. Ne Wamalayika wawo, wose wali wena mabawa mutandatu-mutandatu. Mabawa mejete wegubikaga wusu, ne mejete wegubikaga i miwili yawo, na ganji mejete go wagulucilaga.

Isaya 66:2

Nha yo nene mono nayiwumba yinze yose! Kanyhi mono nendezwaga ne wanhu wono wanenile, kanyhi wenenenyhezi, wono wanyogopile, wena ne cihuliko kuli'ne.