Zabuli 113:5 - Luganuzi Luswanu Kuli Wanhu Wose 2002

⁵ Hambi nani kanyhi, mono kowa yehwanile, no Muwaha Mulungu, u Mulungu wetu? Mwene nha yekaye mwigoda lyo wutemi kucanyha,

Zabuli 113:5 ပူးပေါင်းရင်းမြစ်များ

Zabuli 103:19

Nayo Muwaha Mulungu, yaliwicile ku wulanga, ligoda lyakwe lyo wuwaha, nayo yo yatemile muli vyose.

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Zabuli 35:10

Nane, ko mutima wangu wose nomutya Muwaha Mulungu, “Agwe go Muwaha Mulungu, mbeka hasina mono yehwanile gwegwe! Agwe kuwaponyaga i wasocele mu miwoko ya wono wali vilungo, i waciwa nawo kuwaponyaga mu miwoko ye wahizi.”

Zabuli 89:6

Alo nani 'mbi ku wulanga, mono kokwihwananizwa no Muwaha Mulungu? Hasina hamba monga mu viwumbwa vyose, vya ku wulanga, mono kokwihwananizwa nagwe!

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Zabuli 89:8

Gwe go Muwaha Mulungu go Mulungu we mihanga, Alo nani mbi mono yena vilungo, nha gwegwe go Muwaha Mulungu? Agwe mono wuli mwihuwilwa muli zose.

Zabuli 89:9

Agwe wutemile vilungo vye lilenga, no kugatuza mawingo galyo kolo gakwinuka.

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Isaya 16:5

Hanyuma ya zizo, yunji wa muli wana wa Dawudi, yo kolowa mutemi. Nayo mutemi yuyo, kolowatema wanhu ko wihuwilwa na ko wendo. Nayo kanyhi kolowa mupelu ku wituma zo wiling'ano, kanyhi kolosaka ling'ani du yo yitumwe mu wutemi wakwe.

Isaya 40:18

Alu mwene, kosuma kumwihwananiza Mulungu nha nani? Hamba si kosuma yaye kumulolosa nha vyono yenha hamba kumwihwananiza yaye.

Isaya 40:25

Alu mwene, kosuma ku mwihwananiza Mulungu mono yelile nha nani? Hamba ho yuli yunji mono yehwanile mwene?

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Yelemiya 10:6

Gwe go Muwaha Mulungu, nha hasina yunji wo wose kanyhi, mono yehwanile gwegwe, agwe wuli vilungo. Ne litagwa lyako likumucile muno, na mu wusume.

Wukumbucize wo Wulajilize 33:26

Nye nyo Waisilayeli, manyenyi vyono, hasina mulungu yunji mono yacizize u Muwaha Mulungu wenyu. Mono yakuziza mu mavunde ho yamutazenyi. Yakuziza mu mavunde, mu lukumyo lwakwe.