Zabuli 100:3 - Luganuzi Luswanu Kuli Wanhu Wose 2002

³ Mumanye vyono Muwaha Mulungu, yo Mulungu du. Yo mweneco mono yaciwumba, nase cili sawo yakwe, cili wanhu wakwe, kanyhi cili ngholo ze madimo gakwe.

Zabuli 100:3 ပူးပေါင်းရင်းမြစ်များ

2 Watemi 19:19

Holeka aluno go Muwaha Mulungu go Mulungu wetu, cikukunena wuciponye mu miwoko ye Waashuli. Ne makungugo gose ga mononze, ho gomanya nha vyono yo gwegwe du wuli wene, go Muwaha Mulungu.”

1 Zinghomo 16:14

U Muwaha Mulungu, yo Mulungu wetu, ne malajilizo gakwe go ge yinze yose.

Jobu 10:3

Hambi mbeka yikunojeye wuwe wusina lusungu? Wukuwubedegala sunga no mulimo wono wawituma gwegwe mweneco? Hanyuma kanyhi kuwa kuwuseka wuhile we wanhu wabi?

Zabuli 119:73

Gwegwe go mweneco yo wamumba kwe miwoko yako, ale, wumhele mahala, niyijize ze malajilizo gako.

Zabuli 12:4

Wakutya, “Kwe milomo yetu, cina wusume, nase colonga nha vyono cendile nani 'mbi mono kocisuma?”

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 78:52

Hanyuma yawahamya wanhu wakwe, nhe zingholo, yakawalongoza ku nyika, nhe litewa lye zimitugo.

Zabuli 79:13

Nase co wanhu wako, mono cili ngholo ze litewa lyako, cokulumba cibitilila, hamonga no kukukumya vilo vyose.

Zabuli 95:3

Hambi Muwaha Mulungu, nha yo Mulungu Mono yalawiliciye. Mutemi mono yali vilungo mu milungu yose.

Wutuluce 6:7

Nane nomunozenyi muwe wanhu wangu, nane nowa Mulungu wenyu. Nanye ho momanya vyono yo nene Muwaha Mulungu, u Mulungu wenyu, kolo nakondya kumuwusenyi mu wuwanda mu yisi ya Misili.

Muganuzi 12:1

Wumukumbucilaje Muwumbi wako mu vilo vyo wuzelelo wako, lono i vilo vibi vikali si vinaza yaye, hamba lono yikali si yinaza yono kolotya nhavi, “Aa, vinhu avi vyose hamba si vikunyendeza kanyhi yaye.”

Isaya 63:11

Baho nhondo nawo wanhu wakwe, wakakumbucila i vilo vye katali, vya Musa u mwitumami wo Muwaha Mulungu, wakawa kwiwuza wakutya, “Alu mwene yali hayi u Muwaha Mulungu, mono yawaponya i walongola we wanhu wakwe mwi'lenga? Hamba yali hayi mwene u Muwaha Mulungu mono yamupela Musa u muhe wakwe?

Isaya 63:19

Nagwe wukacitendela kotya nha si wali wucitemile yaye, kotya nha si cali cili wanhu wako ng'o.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Ezekiyeli 34:11

“Nane no Muwaha Mulungu, nghumulonjelenyi nha vyono, alu nozilanjilila zingholo zangu nene no mweneco, no kuzidima.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Wukumbucize wo Wulajilize 32:15

“Wanhu wo Muwaha Mulungu, wakagolipa muno, wakajina muno, wakawa wena ndigwa nyinji. Ninga kanyhi ho wakawa wafyuzi wakamuleka Mulungu wawo mono yawawumba, wakamulema u muponyi wawo mono yali vilungo.

Wukumbucize wo Wulajilize 32:6

Alu anye nyo wanhu walele, kanyhi mono musina lilumbo, mukwihwesa nzila yiyo yo swanu lo yo kumwitumamila Muwaha Mulungu? Ninga, mwene yo sogo yenyu kanyhi yo muwumbi wenyu, yo mwene mono yamunozenyi ho muwe yikungugo.

Wukumbucize wo Wulajilize 4:35

Muwaha Mulungu yazinoza zizi zose, ho yamulajilenyi vyono, hasina mulungu yunji kanyhi, langa yo mweneco du yo Mulungu yali wene.

Wukumbucize wo Wulajilize 4:39

Holeka izuwali, mukumbucile, mulece kusemwa. Vyono Muwaha Mulungu, yo Mulungu mono yali ku wulanga sunga na mononze. Hasina mulungu yunji kanyhi wowose.

Wukumbucize wo Wulajilize 7:9

Kanyhi mweze kukumbucila vyono Muwaha Mulungu, u Mulungu wenyu, yo Mulungu monga du, kanyhi mwihuwilwa. Mono kosuma kukamisa cilagane cakwe, no kulajila lusungu lwakwe luwaha kuli ndelo maelufu na maelufu ga wono wamwendile, kanyhi webate ne malajilizo gakwe.

1 Petelo 2:25

Nanye mwali mwinha zingholo zono zali zajiliye, ninga lu mumuwuyila Mudimi no mulanjilizi we zinhumbula zenyu.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Petelo 4:19

Holeka, wawo wono wakugazika ku so wuhile wo Mulungu, yiwanojeye, wamukoze u Muwumbi mwihuwilwa nhumbula zawo, mu wituma ziswanu.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.