Zabuli 10:8 - Luganuzi Luswanu Kuli Wanhu Wose 2002

⁸ Yendile kwihundika mu vikaya, ho yawasepe no kuwawulaga cinyele, wanhu wono wasina yisutya lyolyose. Kawasepaga wanhu wono wasoceye,

Zabuli 10:8 ပူးပေါင်းရင်းမြစ်များ

2 Watemi 21:16

Mutemi Manase mu vilo vyo wutemi wake, yawulaga wanhu wenji wono wasina wubi, ne sakami yawo yikahuluma mu zi nzila za mwi'kaya lya Yelusalemi. Hamonga na zizo, kanyhi, yakawanoza wanhu wa Yuda wahembe vihwani. Na mu nzila yiyo, wakamusutizya muno Muwaha Mulungu.

Jobu 24:14

Nayo munhu muwulaji, yendile kwilawa hakali mitondo, kawa kubita kumuwulaga muciwa, na mu cilo kahizaga.

Zabuli 17:11

Alu wanhejile wamhilime kose kose wakuhila wangwise hasi.

Zabuli 94:6

Wakuwawulaga i wacekulu wafwile, hamonga ne wajenzi, wakuwawulaga ne wana wono wasina walezi!

Zimbazi 24:15

Wulece kwihwana ne wanhu wabi, wono wewikanizaga wabite wakamuhizize u munhu we ling'ani, hamba kuyisola kaya yakwe.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Habakuki 3:14

Ne zisonga zako, zikamuguma musilikale mulongola we wasilikale wakwe wo wulugu, lono wakuza nhe 'wingo yiwaha ho waciyagaze 'se, wakucisimanga nhe wanhu wono wakuwewonela i waciwa mu nzila ye cinyele.

Luka 10:1

Hanyuma yayo Muwaha yakawahagula wanji makumi mupunghati na wejete, yakawatuma wejete wejete, walongole wabite mu vitumbi vyose na hanhu hose hono kobita mwene.

Luka 8:1

Hanyuma ya zizo, Yesu yakakola mu makaya na mu vitumbi, yakulonga no kuganula Luganuzi Luswanu lo wutemi wo Mulungu. Na awalya we likumi na wejete wali wali hamonga nayo.

Walamuzi 9:25

Wanhu wa ha Shekemu wakawawika wanhu wamusepe Abimeleki wakabita mucanyha ye matunda, wakawabokanga vinhu wanhu wose wono wakolaga mu nzila yiyo. Nayo Abimeleki yakalonjelwa zizi.

1 Samwili 22:18

Hodu mutemi Sawuli yakawa kumutya Dowegu, “Ale, gwegwe wawulagaje!” Hodu nayo Dowegu mbeka yakawa kuwawulaga wakohani wose. Na mwi'zuwa lililya yawulaga wakohani makumi munana na wahano, wono wali wavwalile efodi.

1 Samwili 23:23

Musunjilile sunga muwuwone wihuwindiko wakwe wose mono kehundikaga, hanyuma ho muze kanyhi munonjele lwa kamonga. Nane ho nobitana hamonga nanye. Na hono yawe yakali yali mumo mu yisi yenyu, ale, nomusepasepa sunga nimwibate, hamba yiwe yinojeye nimulondole mu yisi yose ya Yuda.”