Zabuli 10:3 - Luganuzi Luswanu Kuli Wanhu Wose 2002

³ U munhu mubi kedunhumulilaga mu masulumizi gakwe mabi, nayo we masulumizi, kamukanaga Muwaha Mulungu no kumubeza.

Zabuli 10:3 ပူးပေါင်းရင်းမြစ်များ

1 Watemi 20:25

Hanyuma wukonghole wasilikale wenji muno muno wo wulugu, wawe wenji nha wa walya wono wakatiza, hamonga no winji wuwo we zifwalasi ne matuka go wulugu. Nase cokwihoma ne Waisilayeli mu yisi yo wuhihi. Nhondo muhinzo wuwu nase cowasuma du.” Mutemi Benihadadi nayo yakavumila, yakanoza nha vyono wamulonjela.

Jobu 31:24

“Ane si nali nitumbiliye lukulu wugoli,

Zabuli 35:21

Ati wakusitaka wazozize du wakutya, “Ale! Ale! Caziwona zono witumile!”

Zabuli 49:18

Holeka hamba yedunhumule mu mikalile yiyi, sunga ne wanhu wamukumye ku soko yo winji we sawo yakwe.

Zabuli 49:6

Wanhu wabi, wono wetumbilaga zisawo zawo, no kwilumbila winji wo wugoli wawo.

Zabuli 5:6

Nagwe wukuwa kuwongomeza wose, i walonga zo wulambi, kanyhi kuwakomalaga i wawulaji wose, hamonga ne wakonji wose.

Zabuli 52:1

Gwe go munhu 'gwe, socici wukwilumbila wubi wako, kuli wanhu waswanu?

Zabuli 94:4

Alu i wabi wojendelela kwikumya so wubi? Hamba wokwidunhumula no kwikumya sunga nili?

Wutuluce 15:9

Nayo mulugu yakeyitya, ‘Nowalonda nghawebate, nane nozigawa zisawo zawo, kanyhi nosola mu nghango yono nghuyisaka nene. Nane nowukwega mumaje wangu, na ko muwoko wangu, nowongomeza wose.’

Zimbazi 28:4

Na hono wuwe si kuwucelelelaga wulajilize, nagwe wehwana i wanhu wabi. Ninga hono wuwe wukuwutyatya wulajilize, si kohoswa yaye,

Muganuzi 7:15

Na mu mikalile yangu yo wuciwa, nakondya kuziwona nghani zose, vyono kumbe u munhu we ling'ani, nayo kafwizaga du hamba yawe yali ling'ani, ninga u munhu mubi kajendelelaga kuwumipa du hamba yawe mubi.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Yelemiya 22:17

Ninga agwe wukukwegwa no wihwesa zako du go mweneco, wukuwawulaga i wanhu wono wasina masutya wukuwewonela i wanhu wako ko wukali. Vyo nghutya ane no Muwaha Mulungu.

Walawi 26:30

Nane nohahodanga sunga ne hanhu henyu ho kuhembela mucanyha ye matunda, nogatulanjiza ne makumbicilo genyu go kufusiza wuvumba, noyigumila ne mivimba yenyu, mucanyha ye vihwani vyenyu vye milungu, vyono vigwiye hasi, no mutima wangu womusulenyi.

Habakuki 2:9

Woyi hee kuli nye! Mono mwazigolifya zimhuga zenyu ne sawo yono muyibocile kwe vilungo, akuno mukuzinoza zikaya zenyu ziwe zipolile zisina mbali!

Luka 12:15

Yakawatya wose, “Lanjenyi ta, mwiyikamisaje mu wusulumizi wose, hambi u wumi wo munhu nha si wutugaga mulamu ku soko yo winji we vinhu vyono yena navyo.”

Luka 12:19

Ho nowutya wumi wangu, ‘Go wumi, alu wina sawo nyinji yono yokukwila kwa myaka minji, alu wucehe, wulye, wung'we, wusangalale.’

Walumi 1:29

Wamemile u wubalya we mawala gose, wubalabala, wusulumizi, simbili. Wamemile mvivi, wuwulaji, wugombe, wukonji, wuhile wubi, wungwele, wubi, wahesi,

Walumi 1:32

Ninga wene kuno ho wamanyile i lilajilizo lyo Mulungu nha vyono, iwanhu wono wakwituma i makani gono genha gago, yiwanojeye kufwa. Hamba nhavivyo, si vyono wakwituma makani gago weneco du, ninga wakwendezwa kanyhi sunga na wono wetumaga imakani gago.

1 Wakolinto 6:10

hambe wahizi, hambe i wabuguci, hamba i wagalo'jimbi, na wono wendile kuwaheha i wayawo, ne walambilambi wose, wawo wose si wosuma kwinjila mu wutemi wo Mulungu.

Waefeso 5:5

Kanyhi yinojeye mumanye vyono, musenyha, hamba mwavu, hamba u musulumizi (hambi u wusulumizi nha wo wukumbika vihwani,) hamba munhu wo wose mono yenha nhavivyo, si kosuma kutuga co cose mu wutemi wa Kilisito na wo Mulungu.

Wukumbucize wo Wulajilize 29:19

Kanyhi mulanjilile, halece kuwa na yunji wa muli nyenye zuwali, mono yakuzihulika zizi zo wilahize na vyono yikusakwa, kanyhi mwene ho yezivye, no kwihwesa vyono hamba yalece kuzityatya, zose zomuwela swanu du, hanyuma mwene yawe kubita na zakwe. Mumanye vyono nghani yiyo, yomongomezenyi nyenye wose i wabi ne waswanu.

Wukumbucize wo Wulajilize 32:19

“Nayo Muwaha Mulungu yali yeza kuziwona zizo, hodu yakakolwa likuwo, yakawa kuwaleka wanagwe we cilume na we cicekulu.

Wakolosayi 3:5

Holeka muwuwulajilaje lukulu u wusulumizi wa mono'nze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

Yakobo 4:13

Ale, hulicizenyi ta, anye mono mutezaga, “Izuwali hamba mitondo, cobita kwikaya lyo wutunga, no kwikala kuko mwaka wose cikusuluza no kutuga cambuzi.”

Yakobo 4:16

Ninga lu, mukwidunhumula no kwisaja, no widunhumuzi wono winha wuwu wo wubi.

1 Yohana 2:15

Mulece kuzenda ze yinze, hamba zono zili mononze. U munhu mono yazendile za mononze, u wendo wo Mulungu siwosuma kwikala muli mwene.

Walamuzi 17:2

Yakamulonjela nyina yakatya, “Fweza zi zilya elufu monga ne ligana limonga zono wahizizwa, nane nghakuhulika nha vyono wakumulijitiza u muhizi mono yahiza, langa ta! Zo azi nina nazo, yo nene mono nazisola.” Unyina yakamutya, “Gwe mwanangu, u Muwaha Mulungu yalumbwe, kanyhi yakulugute!”

1 Samwili 23:21

Nayo Sawuli yakawapitula yakawatya, “Ale du, Muwaha Mulungu yamulugutizenyi so wuswanu wenyu kuli 'ne!