Zabuli 10:1 - Luganuzi Luswanu Kuli Wanhu Wose 2002

¹ Gwe go Muwaha Mulungu, so cici wuli kutali? Nhawule wukwihundika lono cili mu wugaye?

Zabuli 10:1 ပူးပေါင်းရင်းမြစ်များ

Jobu 13:24

Gwe go Mulungu, socici wukwihundika hali'ne? Hamba nhawule wukunhendela nha nili mulugu?

Jobu 23:9

Kumbe mwene yakwituma kusumuka na kutakama, ninga hamba nhavivyo, si nimuwene yaye.

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Zabuli 22:1

Mulungu wangu, Mulungu wangu! So cici wukundeka? Nhawule wuli kutali ku wunhaze, wuli kutali ne zinghani ze cililo cangu?

Zabuli 27:9

Wulece kwihundika hali'ne. Hamba wulece kunemela mwi'kuwo ane no mwitumami wako, agwe nhondo zose, yo gwegwe mono wuli mutazi wangu holeka wulece kunhaga, hamba kundeka gwe go Muwaha Mulungu go Muponyi wangu.

Zabuli 30:7

Gwe go Muwaha Mulungu, ku soko yo lusungu lwako, wakondya kunghamya nhe'tunda yiwaha. Ninga hamba nhavivyo, wukehundika kutali nane, sunga nane nghawa kwanza kutuga woga.

Zabuli 44:24

Alu nhawule wukwihundika hali'se, akuno wukusemwa ze magaziko getu, hamonga ne magazo getu?

Zabuli 44:25

Cenama sunga ho hasi, cahangahanga ne manghundi.

Zabuli 46:1

Mulungu wo wutizizo wetu ne vilungo vyetu, nayo yewikanize nhondo zose, kuleta wutazi mwidaha lyo wugaye.

Zabuli 88:14

Alu so cici wukunhaga, 'gwe go Muwaha Mulungu wangu, alo socici wukundeka?

Yelemiya 14:8

Ninga agwe yo gwegwe du wuli wene mono wo witumbilo wa Isilayeli. Kanyhi yo gwegwe du mono kuciponyaga mu magayo. Alu nhawule winha munhu mujenzi mu yisi yetu, hamba nho munhu mono yali mu muhinzo, mono yakugona lizuwa limonga du?

Yelemiya 14:9

Hamba nhawule winha munhu mono yatinuswe, nhe citung'ati mono si kosuma kuponya? Ninga mbeka, agwe go Muwaha Mulungu wuli hamonga nase! Nase cili wanhu wako du, holeka dedede, wulece kucileka.’ ”