Zabuli 1:3 - Luganuzi Luswanu Kuli Wanhu Wose 2002

³ U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Zabuli 1:3 ပူးပေါင်းရင်းမြစ်များ

Mwamulizo 39:23

Nayo mulanjilizi we jela, hamba si yepiganzaga na cinhu cinji co cose, cono cali cili mu wulanjilizi wa Yusufu. Hambi Muwaha Mulungu nha yali yali hamonga na Yusufu, yakuvilugutiza vyose vyono Yusufu yetumaga.

Mwamulizo 39:3

Nayo muwaha wakwe, yakatanga vyono Muwaha Mulungu yali hamonga na Yusufu, na vyono Mulungu yo yakuvimotesa vyose vyono Yusufu yakuvituma.

2 Watemi 18:7

Holeka nayo Muwaha Mulungu, yakawa yali hamonga nayo, nayo yakacila muno kumoteswa muli milimo yakwe yose. Yakamubeza mutemi wa Ashuli, hamba siyamwitumamila yaye.

1 Zinghomo 22:11

Hanyuma kanyhi yakajendelela kulonga yakutya, “Holeka 'gwe mwanangu, u Muwaha Mulungu, u Mulungu wako, yawezane nagwe, kanyhi yawufisilize no wihuwizo wakwe, yakupele wusume wo kumuzenjela Nyumba yakwe.

1 Zinghomo 22:13

Na hono wibate wulajilize wose wono Muwaha Mulungu yawapelela Waisilayeli muli Musa, nagwe komoteswa. Holeka weze ne vilungo ne nhumbula ye citung'ati, wulece kogofywa na nghani yinji.

2 Zinghomo 31:21

Na holeka yakamoteswa muno muno, vyono mwene zose zono yetuma mu Nyumba yo Mulungu, hamba zo kuwibata Wulajilize, zose yazituma kwe nhumbula yono yimogopile Mulungu, hamonga no mutima we cihembihembi kuli Mulungu wakwe.

2 Zinghomo 32:23

Ne wanhu wenji, wakajendelela kuza ku Yelusalemi kuleta vilavywa vyawo kuli Muwaha Mulungu, nayo Hezekiya wakamuletela vipegwa. Na ku wulawilila baho, zinghungogo zose zikamupela cogopo Hezekiya u mutemi wa Yuda.

Jobu 14:9

ninga kolo likumwajilwa malenga, lyotula du no kutuga mahamha.

Jobu 22:28

Nagwe baho nhondo, ho komoteswa mu milimo yako yose. No wuzelu wokumulicila mu zinzila zako.

Zabuli 128:2

I milimo yako, yo yokutujila ne visakwa vyako, kanyhi kowona nyemo no wumoteswe,

Zabuli 129:8

Na hasina hamba yunji wo wose, mono kokolela baho behi mono kosuma kutya, “Muwaha Mulungu yamulugutizenyi! Cikumulugutizizenyi mwi'tagwa lyo Muwaha Mulungu!”

Zabuli 92:14

Hamba wawe wakombipe, ninga wojendelela kulela mana sunga ku wukombi, womema moso, nawo wodedewala, no kuwa ne vilungo ho wasume kulwanza u wiling'ano, lo Muwaha Mulungu,

Zabuli 92:15

na vyono kanyhi, musina wubi wo wose kuli mwene, mono wo wihundiko wangu.

Isaya 27:11

Sunga ne manhambi ge mibici gakunyala, gakubeneka, ne wacekulu nawo wakutenya mumo ne zingwagu. Hambi i wanhu nha siwakutanga yaye, holeka nayo Mulungu u Muwumbi wawo, si kowawonela lusungu, hamba si kowanenela yaye.

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 44:4

Nawo wocindika viswanu nhe mahanze mamwajile viswanu malenga, wowa nho mubici wono wucindice ha mivwilo ye malenga.”

Isaya 58:11

Nane nomutonjenyi nhondo zose no kumumotyenyi ne vinhu viswanu. Nomunozenyi muwe ne vilungo hamonga ne miwili miswanu yono yisina wunyoga-nyoga. Nanye mowa mwihwanile busitani yono mwajile malenga menji, yono si yonyalila kanyhi lukulu.

Yelemiya 17:8

Hambi u munhu yuyo, nha kowa yehwanile no mubici wono wukuwilucila behi ne cikolongo, wono wuhimbize milela yayo mu malenga. No mubici wuwo, si wogopaga lizuwa hamba likalipe muno. Hambi i mahamha gayo, nha gekalaga gadedewaye du. Hamba mvula yilece kuwutonyela, wene wikalaga wusina mahwele yaye, langa wene wujendelelaga kulela mikalo du.

Ezekiyeli 17:8

Ninga hamba nhavivyo, u muzabibu nha wali wakondya kuhadikwa mu muhangha wono wina moso mwinji, hono ho gali ne malenga menji, ho wusume kuwiluka no kulela zabibu, no kuwa muzabibu muswanu.

Ezekiyeli 19:10

Kanyhi u nyina yako, yali yehwanile no mubici wo muzabibu, wono muhadikwe behi ne malenga. Na vyono hali hogali malenga menji, holeka muzabibu wali wina mahamha menji, kanyhi wukalela mikalo minji muno.

Ezekiyeli 31:5

Nawo vyono wamwajilwaga viswanu, holeka wukatalimha muno sinhe mibici yose. Ne manhambi gayo gakakangala no kutalimha muno.

Ezekiyeli 47:12

Na mu zinyenje zose ze likolongo ako na ako, molocindika mibici minji ye mawala gose, yono yolowa ndigwa. Ne mahamha gayo, hamba si golowa kunyala yaye, kanyhi yojendelela du kulela mikalo, hamba kuduma yaye. I mibici yiyo, yolowa kulela mikalo mipya mwezi na mwezi, hambi nha yikwitilwa malenga gono gakuhuluma mu cikolongo, cono cilawiliye mu Nyumba yo Mulungu. Ne mikalo ye mibici yiyo, yolowa yo ndigwa, ne mahamha gayo, golowa so miti yo kuponezya wanhu.”

Wuwale 24:6

Genha kotya micilili mitali ye mitende Hamba kotya nha busitani zono zili ha nhumbi ye likolongo. Genha kotya wudi wono wuhadikwe no Muwaha Mulungu. Hamba kotya nha mihagata yono yili behi ne malenga.

Matayo 13:6

Ilizuwa lyali lyeza kuwalika, zikawa kuwomba, na vyono i milela yayo yali si yihimbiye hasi muno muno, hobaho zikawa kunyala.

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Matayo 21:34

Na mwi'pango lyo wupilo we zizabibu waza kusejelela, yakawatuma i wetumami wakwe wabite kuli wawalya iwalimi, ho wakasole mikalo yakwe.

Matayo 21:41

Iwene wakamupitula wakatya, “Kowapela walimi wanji, wono wosuma kumupela mikalo mu cipango co wupilo wayo.”

Yohana 15:6

Munhu wo wose hono yalece kwikala muli nene, yakutagwa kunze kotya linhambi vyono walitagaga, nalyo liwa kunyala. Nawo wanhu wakuwa kulikongholeza, wakulitajila mu moto, nalyo liwa kutakamila.

Wukumbucize wo Wulajilize 28:8

“Muwaha Mulungu, koyilugutiza milimo yenyu, ne madongha genyu kogamemya no wuhemba. Kanyhi komulugutizenyi muno muno mu yisi yono yakumupelenyi.

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.

Wugubule 22:2

Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi, wono wukulela mikalo kali yikumi na nyejete kwa mwaka, wo wutya wukulela mwezi kwa mwezi, ne mahamha go mubici wuwo, yo miti yo kuponezya i wanhu we makungugo.