Zabuli 1:2 - Luganuzi Luswanu Kuli Wanhu Wose 2002

² Langa yakuwonela nyemo mu wogopa wulajilize wo Muwaha Mulungu, no kuwihwesa wuwo, misi ne cilo.

Zabuli 1:2 ပူးပေါင်းရင်းမြစ်များ

Mwamulizo 24:63

Na mwi'pango lye cinyamihe, Isaka yakabita kwi 'wimbi kwamba lubeho. Na mumo mu wamba lubeho lwakwe, yalanje nhavi, yakawona ngamiya zikuza.

Ezila 7:10

Ezila yali yelavizye mu mikalile yakwe yose, kwiyijiza no kutyatya malajilizo go Mulungu, no kuwafunda wanji wa mu nghungugo ye wanhu wa Isilayeli zo wulajilize ne malajilizo gago.

Jobu 23:12

Nane nhondo zose nitumaga zo wulajilize wo Mulungu, nitumaga zo wuhile wakwe du.

Zabuli 104:34

Gwe go Muwaha Mulungu, u lwimbo lwangu luluno lukwendezaje, hambi i nyemo yangu yose nha yilawaga kwako.

Zabuli 112:1

Muwaha Mulungu yalumbwe! Yo mumoti munhu mono yamogopile Muwaha Mulungu, mono yakusangalalila kugebata malajilizo gakwe.

Zabuli 119:1

Wamoti wono wena mikalile, yono yisina masutya, wono webate wulajilize wo Muwaha Mulungu.

Zabuli 119:11

Nibate lilajilizo lyako, mu nhumbula yangu, ho ndece kukusutizya.

Zabuli 119:35

Wunhonje nigebate malajilizo gako, hambi mumo nha mo nghutujila nyemo.

Zabuli 119:72

Hambi wulajilize wono wawuwika, nha wuswanu muno wucizize zisawo zose za mono'nze.

Zabuli 119:92

Na hono lilajilizo lyako, lyali liwe yo si ndawililo ye nyemo yangu, mhali nakondya kongomela ku soko yo wugaye wangu.

Zabuli 40:8

Nghusangalala kuwituma zo wuhile wako, go Mulungu wangu, no kuwukamisa wulajilize wako kwe nhumbula yangu yose.”

Zabuli 88:1

Gwe go Muwaha Mulungu, go mhonelo yangu, ane nikalaga du nghulila misi yose, na ku cilo, nghuzizaga gwegwe.

Yelemiya 15:16

Agwe wanonjela zinghani zako, nane nghazihuliciza muno. Ane nili wako, agwe go Muwaha Mulungu, we mihanga vyose. Holeka ne zinghani zako zimemile mu nhumbula yangu na nyemo hamonga no wusangalale.

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Luka 2:37

Nayo yakekala mufwile sunga mu cipango cico, nayo yali yafika myaka makumi munana na mine ku wulawa u wulelwe wakwe. Na mu cipango cico cose, si yawukaga mu Nyumba yo Mulungu, na mu wuleko kulya, no kumuhemba Mulungu cilo na misi.

Walumi 7:22

Holeka ane mu nhumbula yangu, nghulisangalila ililajilizo lyo Mulungu.

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

1 Timoteyo 4:15

Wuzihwesaje zizo zose muno muno, hamonga no kuzitumama, u wujendelele wako ho wusume kwijela hali wose.

2 Timoteyo 1:3

Nghumulumbo Mulungu mono nghumwitumamila ne ciselinji ciswanu, nha vyono wanoza i wasogo zangu, nghumulumbo Mulungu nhondo zose lono nghukukumbucila mu wulombe wangu misi ne cilo.

Yoshuwa 1:8

Wulanjilile, citabu cici co wulajilize ceze kusomwa nhondo zose mu wuhembi wenyu. Kanyhi weze kwilanjiza za mumo ku misi na ku cilo, no kwituma zose nha vyono zandicigwe mumo. Nagwe ho komoteswa muno, mu zinzila zako zose.

1 Yohana 5:3

vyono kumwenda Mulungu, wo wibate we malajilizo gakwe. Ne malajilizo gakwe si mazito.