Yuda 1:7 - Luganuzi Luswanu Kuli Wanhu Wose 2002

⁷ Kanyhi mukumbucile za ku Sodoma na Gomola, ne matumbi ga mu mhelo mhelo yayo, i wanyawusi wayo wanoza nha vyono wanoza wamalayika, weyinjiza mu wusenyha, na mu makani gono gasutane ne mumbwa, wakawa kutemezezwa u wulipicizwe wo moto we cibitilila, ho yiwe suguzi kuli wanhu wose.

I CILAGANE CIPYA 1991

⁷ Kanyhi mukumbucile za ku Sodoma na Gomola, ne matumbi ga mu mhelo mhelo yayo, i wanyawusi wayo wanoza nha vyono wanoza wamalayika, weyinjiza mu wusenyha, na mu makani gono gasutane ne mumbwa, wakawa kutemezezwa u wulipicizwe wo moto we cibitilila, ho yiwe suguzi kuli wanhu wose.

Yuda 1:7 ပူးပေါင်းရင်းမြစ်များ

Mwamulizo 13:13

Ale, i wanhu wa kuko ku Sodoma, wali wanhu wabi muno, kanyhi wali wahodanji wawaha hali Mulungu.

Mwamulizo 18:20

Nayo Muwaha Mulungu yakajendelela kanyhi kulonga yakatya, “Kuko ku Sodoma na Gomola, kowuli wung'ung'ulice winji muno muno, ku soko yo wusutye wawo vyono wuwaha muno.

Mwamulizo 19:5

Wakawa kwanza kumucema Loti akuno wakumuwuza wakutya, “I wanhu wa walya we cilume wono wazize kugona mu kaya yako, wali'hayi wene? Ale walavyaje lulu baha kono'nze cigone nawo.”

1 Watemi 22:46

Yakawawulaga wanhu walume wose wono wagonaga ne walume wayawo, hamonga ne wacekulu wasenyha, wono wetumaga mu vikumbicilo vye milungu yo wulambi, wono wali wakali wasigaye ku wulawa mu vilo lono sogwe Asa yali yakali yatemile.

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

Isaya 13:19

Heya, Babiloni, mbeka wo wutemi wuswanu muno, kanyhi wulawiliciye mu matemi gose. Nawo kanyhi wilumbilaga muli wanhu wayo. Ninga ane no Muwaha Mulungu, nowongomeza nha vyono nayongomeza Sodoma na Gomola!

Isaya 33:14

Ne wanhu wabi wa ku Sayuni, wose wakucicima so woga, akuno wakutya, “Mbeka ning'aniza yo Mulungu yihwanile no moto wono wunyanyaga cibitilila. Alu mukwihwesa, yunji wa muli sese kosuma kupona mu moto wuwo?”

Yelemiya 20:16

Yimunojeye munhu yuyo, yawe nhe makaya gago, gono u Muwaha Mulungu yagongomeza yasina lusungu. Yahulice cililo co wusungu ca hakali mitondo hamonga ne lizozo lyo wulugu, lya mu mapango ge misi.

Yelemiya 50:40

Ne nghani yiyo yokwijela ku Babiloni, nha vyono zejela ku Sodoma na Gomola, lono nazongomezeza, hamonga ne vikaya vyono vyali vili behi behi nazo. Na holowa hasina hamba munhu wo wose, mono kolokwikala mumo kanyhi. Vyo nghutya ane, no Muwaha Mulungu.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Matayo 10:15

Mbeka nghumutyenyi, Mwizuwa lye ning'aniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.”

Matayo 11:24

Ninga nghumutyenyi mbeka, vyono i lizuwa lye ning'aniza lyolowa lili ciba muno muno kuli wanhu wa Sodoma si nho kwako go mweneco.”

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Luka 17:29

Ninga mwizuwa lililya lyono yawucila Loti mu Sodoma, moto we cibiliti wukatonya nha mvula kulawa ku wulanga, no kuwawulaga wose.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakusulumila i walume wayawo no kugona nawo, hamba wono wakwitendya,

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

2 Petelo 2:2

Kanyhi ne wanhu wenji wolozityatya zizo zinzila zawo zimbi, sunga na wanji woloyibedegala Inzila ye mbeka ku soko yawo.

2 Petelo 2:6

Kanyhi Mulungu yakagalipiciza makaya ga Sodoma na Gomola, yakagaticimiza no moto tici-tici, yakaganoza gawe nha suguzi kuli wanhu wono siwamogopaga Mulungu.

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololing'anizwa no kongomezwa.